ایڈ ٹیوٹر ایپ کی غیر معمولی مقبولیت، ایجوکیشن کی دنیا میں دھوم مچا دی

یوسف عباسی  ہفتہ 28 جنوری 2023
ایپ ہر کیٹیگری کے طالب علموں کی تعلیمی ضروریات کا وسیلہ ہے، شرکاء کا خطاب۔ فوٹو: ایکسپریس

ایپ ہر کیٹیگری کے طالب علموں کی تعلیمی ضروریات کا وسیلہ ہے، شرکاء کا خطاب۔ فوٹو: ایکسپریس

لاہور: طالب علموں کو ذہین بنانے اور قابلیت کوچارچاند لگانے والے ایڈ ٹیوٹر کی غیر معمولی مقبولیت نے ایجوکیشن کی دنیا میں دھوم مچا دی۔

دنیا بھر میں تعلیمی سرگرمیوں کو ڈیجیٹل ٹیکنالوجیز کے ذریعے عام کرنے کا سلسلہ جاری ہے اس ضمن میں ای ٹیوٹر ملک کا سب سے مستند اور مکمل ایجوکیشنل ایپ بن چکا ہے ۔اس کی خصوصیات کو ہر طالب علم نے سراہا ہے۔

سابق صوبائی وزیر تعلیم میاں عمران مسعود کا کہناتھا کہ ed tutor کا اجراء نہ صرف نویں ،دسویں اور گیارہویں جماعتوں کے طلبہ کی تعلیمی پیاس کو بجھانے کا سبب بن رہاہے بلکہ والدین کے لئے ایک بڑی سہولت اور اپنے بچوں کی دوران پڑھائی ہمہ وقت نگرانی کا بھی مستند ذریعہ ہے۔اس ایپ میں شامل نصاب کے مطابق سوال اور جواب کی سہولت بھی دی گئی ہے۔

انہوں نے تجویز کیا کہ حکومت رول ماڈل کے طور پر ہر طالب علم کو ایڈ ٹیوٹر سے مستفید کرے تو ملک کے پسماندہ علاقوں میں بچوں کو گھر بیٹھے معیاری تعلیم کی سہولت فراہم کی جاسکتی ہے۔

ماہر تعلیم گل مریم وٹو نے کہا کہ آج کے جدید دور میں جہاں ہر طالب علم مختلف گیجیٹ استعمال کررہاہے وہاں معیاری تعلیم کے فروغ میں ایڈ ٹیوٹر ایک کارآمد ایجوکیشن ایپ ہے جو ہر کیٹیگری کے طالب علموں کی تعلیمی ضروریات کا وسیلہ، بالخصوص نویں دسویں اور گیارہویں جماعتوں کے لئے اس کا اجراء ایک کامیاب انداز تعلیم بنا ہے۔

خالد شہباز نے کہا کہ ed tutor نویں دسویں اور گیارہویں کے ان تمام طالب علموں کے لئے بھی یکساں مفید ہے جو کسی بھی وجہ سے ریگولر تعلیمی سرگرمیوں میں حصہ نہیں لے سکتے۔ اس۔ایپ نے فارمر اور نان فارمر دونوں طرز کے طالب علموں کو معیاری تعلیم کے حصول کا موقع فراہم کیا ہے؟

ماہر تعلیم علی ارسلان نے کہا کہ طالب علموں کو جدید ٹیکنالوجیز کے ذریعہ سے تعلیم کے حصول کی سہولت فراہم کرکے ایڈ ٹیوٹر نے ایک نئی تاریخ رقم کردی ہے۔

اس موقع پر ماہرین تعلیم کے مابین پینل ڈسکشن بھی ہوئی جس میں ایڈ ٹیوٹر کے معیار پر مکمل اعتماد کا اظہار کیا گیا۔یاد رہے EDTUTOR ایک ایسا معیاری اور مستند تعلیمی ایپ ہے جس میں نویں دسویں اور گیارہویں جماعتوں کا مکمل سلیبس،نصابی سوالات،مشقی سوالات کے جوابات، کوالیفائیڈ اساتذہ کے لیکچرز، ٹیسٹ، تیاری اور اس کے نتائج جیسے اہم تعلیمی اسلوب شامل ہیں جبکہ ان جماعتوں کے فزکس، کیمسٹری، بیالوجی، ریاضی اور انگلش مضامین(سائنس گروپ) کو اپنایا گیا ہے جس سے ملک بھر کے کثیرتعداد میں طالب علم مستفید ہورہے ہیں۔ ED TUTOR کا نعرہ ہے LEARN BETTER SCORE HIGHER۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔