آبی کنول کی سب سے بڑی قسم نے متعدد عالمی ریکارڈ توڑ دیے

(تصویر: گینیز ورلڈ ریکارڈز)

---

گینیز ورلڈ ریکارڈز کے مطابق جنوبی امریکا کے مقامی دیو آسا آبی کنول کی ایک قسم نے متعدد عالمی ریکارڈ توڑ دیے ہیں۔

گینیز ورلڈ ریکارڈز نے وکٹوریا بولیویانا کو آبی کنول کی سب سے بڑی قسم، آبی کنول کے سب سے بڑے پتے اور سب سے بڑے غیر منقسم پتے کے طور پر تسلیم کر لیا ہے۔

This is the first new species of giant waterlily to be confirmed in more than 100 years @kewgardens https://t.co/aDONkPJQ0A

- Guinness World Records (@GWR) January 30, 2023

محققین کی ایک ٹیم نے آبی کنول کی اس قسم کی شناخت کچھ ہی عرصہ قبل کی تھی۔

یہ قسم لندن کے رائل بوٹنک گارڈنز میں 177 سال سے موجود تھی لیکن دریافت سے قبل اس دیو آسا آبی کنول کو وکٹوریا ایمازونِکا سمجھا جاتا تھا۔

یہ نئی قسم 100 سال سے زائد عرصے میں جائنٹ آبی کنول کی دریافت ہونے والی پہلی نئی قسم ہے۔