حفیظ بھی نمائشی میچ میں شرکت کرینگے، مگر بطور کھلاڑی نہیں!

سابق کپتان محمد حفیظ نے کوئٹہ میں شیڈول 5 فروری کو نمائشی میچ میں شرکت کی تصدیق کردی ہے۔

ایکسپریس نیوز سے بات کرتے ہوئے سابق کپتان محمد حفیظ نے کہا کہ منتظمین کی دعوت پر ایک اچھے مقصد کے لیے ہونے والے اس میچ کا حصہ بننے کے لیے کوئٹہ جارہا ہوں اور میچ میں کھلاڑیوں کی پرفارمنس پر رائے بھی دوں گا۔

انہوں نے کہا کہ پاکستان سپر لیگ (پی ایس ایل) میں کمنٹری کروں گا یا نہیں، ابھی اس بارے میں کوئی پلاننگ نہیں کی البتہ صرف کوئٹہ کے نمائشی میچ میں کمنٹری کرنے کی حامی بھری ہے۔

مزید پڑھیں: پی ایس ایل8؛ کامران اکمل پشاور زلمی کے ہیڈکوچ بن گئے

نمائشی میچ کیلئے محمد حفیظ کے ساتھ اس میچ کے لیے طارق سعید، علی یونس اور عقیل ثمر کی خدمات حاصل کی گئی ہیں۔

دوسری جانب پی ایس ایل سے قبل کوئٹہ میں شیڈول گلیڈی ایٹرز اور زلمی کے درمیان میچ کیلئے نسیم شاہ سمیت دیگر کرکٹرز کی بنگلہ دیش پریمئیر لیگ (بی پی ایل) سے وطن واپسی کا سلسلہ بھی شروع ہوچکا ہے۔

مزید پڑھیں: پی ایس ایل کے نمائشی میچ کیلیے ٹکٹ کی قیمت صرف 20روپے

واضح رہے کہ نمائشی میچ کیلئے بگٹی اسٹیڈیم میں تیاریوں کو حتمی شکل دی جارہی ہے۔