- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
- پٹرولیم ایکسپلوریشن اینڈ پروڈکشن کمپنیوں نے سبسڈی مانگ لی
- پاکستان کی سعودی سرمایہ کاروں کو 14 سے 50 فیصد تک منافع کی یقین دہانی
- مشرق وسطیٰ کی بگڑتی صورتحال، عالمی منڈی میں خام تیل 3 ڈالر بیرل تک مہنگا
- انٹرنیشنل کرکٹ میں واپسی پر محمد عامر کے ڈیبیو جیسے احساسات
- کُتا دُم کیوں ہلاتا ہے؟ سائنسدانوں کے نزدیک اب بھی ایک معمہ
- بھیڑوں میں آپس کی لڑائی روکنے کیلئے انوکھا طریقہ متعارف
- خواتین کو پیش آنے والے ماہواری کے عمومی مسائل، وجوہات اور علاج
- وزیر خزانہ کی چینی ہم منصب سے ملاقات، سی پیک کے دوسرے مرحلے میں تیزی لانے پر اتفاق
- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
الیکشن کمیشن دباؤ میں آئیگا تو آئینی جنگ کیلئے تیار ہوجائے، حافظ نعیم
کراچی: جماعت اسلامی کراچی کے امیر حافظ نعیم الرحمٰن نے کہا ہے کہ مینڈیٹ اور نتیجے پر کسی سے کمپرومائز نہیں ہوگا، الیکشن کمیشن دباؤ میں آئیگا تو آئینی جنگ کیلئے تیار ہوجائے۔
ادارہ نور حق کراچی میں پریس کانفرنس سے خطاب کرتے ہوئے حافظ نعیم نے کہا کہ عملے کی تقرری سے لیکر نتائج نہ دینے تک مجموعی طور پر الیکشن سوالیہ نشان بن گیا ہے، انتخابات کے بعد کا مرحلہ تاخیر کا شکار ہے، بلدیاتی انتخابات میں پیپلز پارٹی نے بڑے پیمانے پر دھاندلی کر کے نتائج تبدیل کرنے کی کوشش کی جس کے نتیجے میں انتخابات کے بعد کا مرحلہ بھی تاخیر کا شکار ہے۔
حافظ نعیم الرحمٰن نے کہا پیپلز پارٹی ایم کیو ایم سے مل کر الیکشن سے بھاگتی رہی، بادل نخواستہ انتخابات کروائے گئے، پورا الیکشن دھاندلی زدہ تھا، تمام تر آفیسرز سندھ حکومت کے تھے، جماعت اسلامی شہر کے مینڈیٹ کا تحفظ کرے گی، یہ کہہ کر جان نہیں چھڑائی جاسکتی کہ سب چھوڑ کر آگے چلیں، جب تک ہماری جیتی ہوئی سیٹیں واپس نہیں دی جاتیں آگے کا مرحلہ طے نہیں ہوگا۔
حافظ نعیم الرحمٰن نے کہا چار مرتبہ الیکشن ملتوی ہوئے تب بھی جماعت اسلامی جدوجہد کرتی رہی، ان کے تمام تر حربوں کے باوجود شہری بھرپور تعداد میں نکلے، پورے الیکشن میں دھاندلی کے ہزاروں کے واقعات سامنے آئے، مقررہ وقت ختم ہونے کے بعد نتائج روک دئے گئے، ری کاونٹنگ میں ہماری جیتی ہوئی نشستیں چھیننے کی کوشش کی گئی، جن ووٹوں پر ہم نے ایک سیٹ جیتی انہی ووٹوں پر پیپلز پارٹی نے چار نشستیں حاصل کی۔
امیر جماعت اسلامی کراچی کا مزید کہنا تھا کہ حکومت نے اپنے اقدامات سے عوام کا جینا دوبھر کردیا ہے، منظم سازش کے تحت کراچی کی انڈسٹریز کو تباہ کیا گیا۔ اب ریڈ لائن کے نام پر عوام کی تذلیل کی جارہی ہے، کراچی دشمنی سندھ دشمنی کے مترادف ہے، کراچی کی آبادی کو بھی پورا نہیں گنا جارہا، تمام اداروں کو آئینی حقوق میں رہ کر کام کرنا ہوگا۔
نعیم الرحمٰن نے مطالبہ کیا کہ جن یوسیز میں الیکشن ہونے ہیں وہاں فوج اور رینجرز تعینات کی جائے، سندھ حکومت کے عملے کے بجائے الیکشن کمیشن کا عملہ تعینات کیا جائے۔ انہوں نے کہا کہ اس وقت مردم شماری کے حوالے سے لاکھوں کے اشتہارات دئے جارہے ہیں، بے رنگ ضمنی انتخابات کےلئے قومی خزانے کا نقصان نہیں کیا جائے۔
حافظ نعیم الرحمٰن نے کہا کہ اس وقت گیس کا بحران پیدا کرکے بدترین حالات پیدا کردیئے گئے ہیں، پاک ایران گیس پائپ لائن پر کام کیوں نہیں ہورہا؟ انہوں نے متنبہ کیا کہ گیس کے مصنوعی بحران پر قابو پانے کے لیے عملی ٹھوس اور سنجیدہ اقدامات نہیں کیے گئے تو کے الیکٹرک کی طرح ان کے خلاف بھی سخت احتجاج ہوگا، گیس کمپنیز کو اس کے لے تیار رہنا چاہئے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔