- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
کراچی میں ڈاکو راج، ایک اور نوجوان زندگی کی بازی ہار گیا، رواں سال میں اب تک 16 جاں بحق
کراچی: شہر قائد میں مزاحمت پر ڈکیتوں کی فائرنگ سے زخمی ہونے والا ایک اور نوجوان دورانِ علاج چل بسا جس کے بعد رواں سال میں اب تک خاتون سمیت اسٹریٹ کرمنلز کے ہاتھوں مرنے والوں کی تعداد 16 تک پہنچ گئی۔
ایکسپریس نیوز کے مطابق لیاری ایکسپریس وے پر گزشتہ ماہ ڈاکوؤں کی فائرنگ سے شدید زخمی ہونے والا شیر خوار بیٹی کا باپ کئی روز تک زندگی اور موت کی کشمکش میں مبتلا رہنے کے بعد زندگی کی بازی ہار گیا۔
شہر کے مختلف علاقوں میں رواں سال کے دوران ڈاکوؤں کی سفاکیت نے پولیس اہلکار اور خاتون سمیت 16 افراد کے گھرانوں کو ان کے پیاروں سے جدا کر دیا جبکہ پولیس افسران مستقل دعویٰ کررہے ہیں کہ جرائم کی وارداتوں میں کمی ہوئی ہے۔
گزشتہ ماہ 23 جنوری کی شب لیاری ایکسپریس وے پر ڈاکوؤں کی فائرنگ سے شدید زخمی ہونے والا 30 سالہ اردیش زخموں کی تاب نہ لاتے ہوئے زندگی کی بازی ہار گیا ، مقتول کے کزن داد اللہ نے بتایا کہ اردیش کو کمر پر لگنے والی گولی دوسری جانب پار ہوگئی تھی جس کے بعد اسے سول اسپتال ٹراما سینٹر لیجایا گیا جہاں اس کے 2 آپریشن ہوئے جمعرات کو اس کا تیسرا آپریشن ہوا تھا لیکن وہ زندگی کی بازی ہار گیا۔
مقتول کے عزیز کا کہنا تھا کہ جس دن فائرنگ کا واقعہ پیش آیا اردیش اپنی رہائش گاہ ابوالحسن اصفہانی روڈ سے اپنے اہلخانہ کے ہمراہ کار میں شادی کی تقریب میں شرکت کے لیے بذریعہ لیاری ایکسپریس وے آئی آئی چندریگر روڈ پر قائم شادی ہال جا رہا تھا کہ اس کی گاڑی پنکچر ہوگئی اور وہ ٹائر تبدیل کر کے گاڑی میں بیٹھ ہی رہا تھا کہ مسلح ڈاکو جو کہ پیدل آئے تھے اسے لوٹ لیا اور بعدازاں کار سوار خواتین سے بھی لوٹ مار کرنے کی کوشش کرنے لگے تو اردیش نے مزاحمت کی جس پر سفاک ڈاکوؤں نے اسے فائرنگ کا نشانہ بنایا اور موقع سے فرار ہوگئے ۔
اردیش کی گزشتہ سال 14 فرروی کو شادی ہوئی تھی اور وہ 3 ماہ کی بیٹی کا باپ تھا، مقتول کی نماز جنازہ بعد نماز جمعہ لیاری میں واقع جامع مسجد ناگمان میں ادا کی گئی جسے بعدازاں میوا شاہ قبرستان میں سپرد خاک کر دیا گیا ۔ مقتول کے کزن نے بتایا کہ اردیش کے ساتھ پیش آنے والے واقعہ کا مقدمہ گلشن اقبال تھانے میں درج ہے ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔