برطانیہ میں خاتون کو آن لائن ہراساں کرنے والا ملزم اسلام آباد سے گرفتار

 اسلام آباد: وفاقی تحقیقاتی ادارے نے برطانیہ میں مقیم خاتون کو آن لائن ہراساں کرنے والے ملزم کو گرفتار کرلیا۔

ترجمان ایف آئی اے کے مطابق سائبر کرائم سرکل اسلام آباد نے ایک کارروائی میں خاتون کو ہراساں کرنے میں ملوث ملزم کو گرفتار کرلیا، جو شکایت کنندہ کی برطانیہ میں مقیم بیٹی کو ہراساں کررہا تھا۔

ملزم نے سوشل میڈیا پر متاثرہ خاتون کی قابل اعتراض تصاویر شئیر کی تھیں اور 2020ء سے بلیک میل کر رہا تھا۔ ایف آئی اے ے ملزم مبین علی کو اسلام آباد سے گرفتار کرکے اس کے زیر استعمال 3 موبائل فونز ضبط کرلیے۔

ایف آئی اے نے ملزم کے خلاف پیکا ایکٹ کے تحت مقدمہ درج کرکے تفتیش شروع کردی ہے۔