پولیس اہلکاروں میں جھگڑے کے دوران فائرنگ سے پولیس اہلکار جاں بحق

مقتول 26 سالہ طاہر بنگش سعید آباد تھانے میں تعینات تھا، ایس ایچ او کلری آغا اسد

ویب ڈیسک اتوار 5 فروری 2023

مقتول 26 سالہ طاہر بنگش سعید آباد تھانے میں تعینات تھا، ایس ایچ او کلری آغا اسد (فوٹو فائل)

کراچی: لیاری آگرہ تاج کالونی میں پولیس اہلکاروں میں جھگڑے کے دوران فائرنگ سے پولیس اہلکار جاں بحق ہوگیا۔

ایکسپریس نیوز کے مطابق کراچی میں لیاری کے علاقہ آگرہ تاج کالونی دہلی پارک کے قریب فائرنگ سے پولیس اہلکار جاں بحق ہوگیا جس کی لاش رات گئے ضابطہ کی کارروائی کے لیے سول اسپتال لے جائی گئی جہاں مقتول کی شناخت 26 سالہ طاہر بنگش کے نام سے کی گئی۔

ایس ایچ او کلری آغا اسد نے بتایا کہ واقعہ پولیس اہلکاروں کے درمیان جھگڑے کے دوران پیش آیا تھا جو کہ ڈیوٹی پر نہیں تھے، مقتول سعید آباد تھانے میں تعینات تھا تاہم پولیس فائرنگ کی وجہ اور ملزم کے حوالے سے مزید معلومات حاصل کر رہی ہے۔

دریں اثنا قصبہ نیو میانوالی کالونی میں نامعلوم سمت سے آنے والی گولی لگنے سے 24 سالہ امام شاہ کندھے پر گولی لگنے سے زخمی ہوگیا جسے طبی امداد کے لیے عباسی شہید اسپتال لے جایا گیا۔