نمک کی آڑ میں منشیات اسمگل کرنے کی کوشش ناکام بنادی گئی

اسٹاف رپورٹر  پير 6 فروری 2023
فوٹو: فائل

فوٹو: فائل

کراچی: نمک کے کنسائنمنٹ کی آڑ میں ایمپتھیٹا مائن نامی منشیات بیرون ملک اسمگل کرنے کی کوشش ناکام بنادی گئی۔

ایکسپریس نیوز کے مطابق کسٹمز ایکسپورٹ اور انفورسمنٹ کراچی کی مشترکہ کارروائی میں برآمد ہیروئن کی مالیت 230 ملین روپے ہے۔

کراچی انٹرنیشنل کنٹینر ٹرمینل کراچی پر یو اے ای کے لئے بک نمک کا کنسائنمنٹ گرین چینل کے ذریعے کلئیر کرایا گیا تھا۔

ڈرگ انفورسمنٹ سیل ٹیم نے تفصیلی جانچ پڑتال کے بعد کنسائنمنٹ سے 23 کلو ہیروئن برآمد کرلی ہے۔

مقدمہ درج کرکے مزید قانونی کاروائی کا آغاز کردیا گیا اور اسمگلنگ میں ملوث دو ملزمان کو گرفتار کیا گیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔