اداکارہ سنبل اقبال کے وارنٹ گرفتاری جاری

اداکارہ نے الزام لگایا تھا کہ ندیم کیانی و دیگر نے ان کیخلاف سوشل میڈیا پر مہم چلائی ہے

اسٹاف رپورٹر بدھ 8 فروری 2023

اداکارہ نے الزام لگایا تھا کہ ندیم کیانی و دیگر نے ان کیخلاف سوشل میڈیا پر مہم چلائی ہے

کراچی: جوڈیشل مجسٹریٹ جنوبی نے سوشل میڈیا پر مہم کیخلاف مقدمے میں گواہی اور شواہد پیش نا کرنے پر اداکارہ سنبل اقبال کے قابلِ ضمانت وارنٹ گرفتاری جاری کردیے۔

کراچی سٹی کورٹ میں جوڈیشل مجسٹریٹ جنوبی کی عدالت کے روبرو سوشل میڈیا پر مہم چلانے سے متعلق ندیم کیانی و دیگر کیخلاف مقدمے کی سماعت ہوئی۔

ایف آئی اے حکام نے بتایا کہ سنبل اقبال نے 2020 میں شکایت درج کرائی تھی۔ اداکارہ سنبل اقبال عدالت میں گواہی کے لیے پیش نہیں ہورہی ہیں۔

عدالت نے اداکارہ سنبل اقبال کے قابلِ ضمانت وارنٹ گرفتاری جاری کردئیے۔ عدالت نے اداکارہ کے 10 ہزار روپے مالیت وارنٹ گرفتاری جاری کیئے ہیں۔

ایف آئی اے کے مطابق اداکارہ سنبل اقبال نے ندیم کیانی و دیگر کیخلاف ایف آئی اے میں شکایت درج کرائی تھی۔ ندیم کیانی نے کیس میں ضمانت کرارکھی ہے۔

اداکارہ نے الزام لگایا تھا کہ ندیم کیانی و دیگر نے ان کیخلاف سوشل میڈیا پر مہم چلائی ہے۔ ندیم کیانی و دیگر کیخلاف پاکستان الیکٹرونک کرائم ایکٹ کے تحت مقدمہ درج کیا گیا تھا۔