- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
- پٹرولیم ایکسپلوریشن اینڈ پروڈکشن کمپنیوں نے سبسڈی مانگ لی
- پاکستان کی سعودی سرمایہ کاروں کو 14 سے 50 فیصد تک منافع کی یقین دہانی
- مشرق وسطیٰ کی بگڑتی صورتحال، عالمی منڈی میں خام تیل 3 ڈالر بیرل تک مہنگا
- انٹرنیشنل کرکٹ میں واپسی پر محمد عامر کے ڈیبیو جیسے احساسات
- کُتا دُم کیوں ہلاتا ہے؟ سائنسدانوں کے نزدیک اب بھی ایک معمہ
- بھیڑوں میں آپس کی لڑائی روکنے کیلئے انوکھا طریقہ متعارف
- خواتین کو پیش آنے والے ماہواری کے عمومی مسائل، وجوہات اور علاج
- وزیر خزانہ کی چینی ہم منصب سے ملاقات، سی پیک کے دوسرے مرحلے میں تیزی لانے پر اتفاق
- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
چیئرمین بورڈ روٹھے راشد لطیف کو منانے کیلیے کوشاں
لاہور: پاکستان کرکٹ بورڈ کیلیے چیف سلیکٹر کا انتخاب چیلنج بن گیا،چیئرمین نجم سیٹھی روٹھے ہوئے راشد لطیف سے پیر کو ملاقات کرکے منانے کی کوشش کرینگے،وہ گذشتہ دنوں عہدہ سنبھالنے سے انکار کر چکے ہیں۔
دوسری صورت میں معین خان کا آپشن موجود ہوگا جبکہ اقبال قاسم اور صلاح الدین صلو بھی زیر غور آئیںگے۔ تفصیلات کے مطابق چیئرمین پی سی بی نجم سیٹھی نے سابق کپتان راشد لطیف کو نیا چیف سلیکٹر مقررکیا جنھیں یکم اپریل کو عہدے کا چارج سنبھالنا تھا، مگر انھوں نے کنٹریکٹ پر دستخط کرنے سے پہلے ہی عہدہ قبول کرنے سے انکار کردیا۔ ذرائع کے مطابق نجم سیٹھی دبئی سے وطن واپسی کے بعد پیر کو راشد لطیف کو قذافی اسٹیڈیم لاہور بلا کر منانے کی کوشش کرینگے،وہ سابق کپتان کے تحفظات دور کر کے عہدہ سنبھالنے پر قائل کرنا چاہیں گے،دوسری صورت میں معین خان کا آپشن زیر غور ہوگا جنھیں قبل ازیں بھی نجم سیٹھی نے چیف سلیکٹر مقرر کردیا تھا لیکن عدالتی حکم پرتقرری کالعدم قرار پائی، اس کے بعد پہلے انھیں منیجر اور بعد ازاں ہیڈ کوچ بنا دیا گیا۔ تجربہ کار اقبال قاسم کو ایک بار پھر کام کرنے کا موقع مل سکتا ہے۔
سابق اسپنر نے کنٹریکٹ میں توسیع سے انکار کیا جس پر عامر سہیل کو منتخب کیا گیا، نجم سیٹھی کے باگ ڈور سنبھالتے ہی سابق اوپنر کی تقرری خلاف ضابطہ قرار پائی، ایشیا کپ اور ورلڈ ٹوئنٹی 20 کیلیے ٹیموں کا انتخاب اظہر خان کی سربراہی میں عبوری کمیٹی نے کیا، اس دوران اقبال قاسم نے ذکا اشرف کی سربراہی میں ہونے والے گورننگ بورڈ کے اجلاس میں شرکت سے گریز کرکے اپنا جھکائو نجم سیٹھی کی طرف ظاہر کردیا، وہ ان کی بحالی کے بعد میٹنگز کا حصہ بنتے رہے، موجودہ حالات میں انھیں چیف سلیکٹر کا عہدہ سنبھالنے کی پیشکش ہو سکتی ہے،ایک اور امیدوار صلاح الدین صلو بھی ہیں، انھیں ماضی میں کئی اہم کرکٹرز متعارف کرانے کا اعزاز حاصل ہے جبکہ وہ جراتمندانہ فیصلے کرنے میں بھی ہچکچاہٹ محسوس نہیں کرتے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔