اداکارہ صاحبہ اور ریمبو کے بیٹے کی شوبز میں انٹری

ڈرامے کے ٹیزر میں احسن افضل خان کو مزاحیہ کردار ادا کرتے دیکھا جا سکتا ہے

ویب ڈیسک جمعـء 17 مارچ 2023

(فائل فوٹو)

کراچی: پاکستان شوبز کی سینئر اداکارہ صاحبہ اور افضل خان عرف ریمبو کے بیٹے احسن افضل خان رمضان کے خصوصی ڈرامے سے شوبز میں ڈیبیو کریں گے۔

احسن ا فضل خان نے باضابطہ طور پر اداکاری میں قدم رکھ دیا ہے۔ وہ جلد ہی نجی ٹی وی پر نشر کئے جانے والے رمضان ڈرامے میں اداکاری کے جوہر دکھاتے نظرآئیں گے۔

اس خصوصی ڈرامے میں اداکارہ امر خان اور عمران اشرف مرکزی کردار ادا کریں گے جبکہ رحیم پردیسی بھی ہنسی کا طوفان لیے اسکرین پر جلوہ گر ہوں گے۔

View this post on Instagram

A post shared by Sahiba Afzal (@sahiba_rambo)

ڈرامے کا ٹیزر جاری کر دیا گیا ہے جس میں صاحبہ کے بیٹے احسن افضل خان کو مزاحیہ کردار ادا کرتے دیکھا جا سکتا ہے۔ یاد رہے کہ صاحبہ اور ریمبو نے اپنی شاندار آن اسکرین جوڑی اور ہٹ فلموں کے ذریعے فلم انڈسٹری پر سالوں راج کیا ہے۔

کچھ سال پہلے اس جوڑی نے اپنے بیٹوں کو مداحوں سے متعارف کروایا تھا جبکہ اس سے قبل صاحبہ اور ریمبو نے اپنے بچوں کی زندگی کو نجی رکھا تھا۔