- عثمان خان کیخلاف اماراتی بورڈ نے تحقیقات کا آغاز کردیا
- وزیر اعلیٰ پنجاب کا مسیحی ملازمین کیلیے گڈ فرائیڈے اور ایسٹر بونس کا اعلان
- سونے کی عالمی ومقامی قیمتوں میں اضافہ
- بلوچستان : بی ایل اے کے دہشت گردوں کا غیر ملکی اسلحہ استعمال کرنے کا انکشاف
- سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلیٰ سطح اجلاس
- قومی ٹیم کی کوچنگ؛ جیسن گلیسپی نے اہم فیصلہ کرلیا
- پشاور؛ صوبائی وزیر و دیگر کے نام ای سی ایل سے نکالنے کیلیے حکومت سے جواب طلب
- سوئی ناردرن کی گیس قیمتوں میں اضافے پر وضاحت
- کراچی؛ اورنج اور گرین لائن کو جوڑنے کے لئے شٹل سروس شروع کرنے کا فیصلہ
- قادیانی شہری ضمانت کیس؛ علماء سے 2 ہفتے میں تحریری رائے طلب
- سویلین ٹرائلز؛ سپریم کورٹ کی فوجی عدالتوں کو محفوظ شدہ فیصلے سنانے کی مشروط اجازت
- ایف بی آر سے کرپشن کے خاتمے کیلیے خفیہ ایجنسی کو ٹاسک دیدیا گیا
- کاکول ٹریننگ کیمپ؛ اعظم خان 2 کلومیٹر ریس میں مشکلات کا شکار
- اسٹاک ایکسچینج؛ 100 انڈیکس ملکی تاریخ کی نئی بلند ترین سطح پر پہنچ گیا
- بجلی ایک ماہ کیلیے 5روپے فی یونٹ مہنگی کر دی گئی
- کھلاڑیوں کی ادائیگیوں کا معاملہ؛ بورڈ نے فیکا کے الزامات کو مسترد کردیا
- پی ٹی آئی (پی) کی مخصوص نشستوں کا معاملہ، الیکشن کمیشن حکام فوری ہائیکورٹ طلب
- حساس ادارے کے دفترکے گیٹ پرحملہ، پی ٹی آئی کارکنان دوبارہ زیرحراست
- اُم المومنین سیّدہ عائشہؓ کے فضائل و محاسن
- معرکۂ بدر میں نوجوانوں کا کردار
بھارتی پنجاب میں خالصتان کے حامی امرت پال سنگھ کی گرفتاری کا معاملہ الجھ گیا
بھارتی پنجاب میں خالصتان کے حامی امرت پال سنگھ کی گرفتاری کا معاملہ الجھ گیا ہے، گزشتہ روز امرت پال سنگھ اوران کے ساتھیوں کو گرفتارکیے جانے کی خبریں زیر گردش رہیں تاہم رات گئے بھارتی پنجاب پولیس نے مؤقف اختیار کیا کہ امرت پال سنگھ کو گرفتارنہیں کیا جا سکا اورعلیحدگی پسند رہنما مفرورہیں۔
خیال رہے کہ گزشتہ روز ’وارث پنجاب دے‘ تنظیم اورسکھ تنظیموں کی طرف سے دعویٰ کیا گیا تھا کہ پولیس نے امرت پال سنگھ کو گرفتارکرلیا انہیں کسی خفیہ مقام پر منتقل کردیا گیا ہے۔
دوسری جانب یہ شبہ بھی ظاہرکیا جارہا ہے کہ امرت پال نیپال فرارہوگئے ہیں جہاں سے وہ کینیڈا جاسکتے ہیں۔ خالصتان کے حامی اوربھارت کی مودی حکومت پرسخت تنقید کرنیوالے سکھ رہنما امرت پال سنگھ اوران کے ساتھیوں کی گرفتاری کےلیے 18 فروری کے روز آپریشن شروع کیا گیا تھا۔
گزشتہ روز دوپہرتک یہ اطلاعات تھیں کہ امرت پال سنگھ کو گرفتار کرلیا گیا ہے، ان کی گرفتاری کے بعد ممکنہ ہنگاموں اوراحتجاج کو روکنے کے لیے کئی شہروں میں پولیس تعینات کردی گئی جبکہ انٹرنیٹ اورایس ایم ایس سروس بھی معطل رہی تاہم جب سکھوں کی بین الاقوامی تنظیموں کی طرف سے ردعمل سامنے آنا شروع ہوا توبھارتی پنجاب پولیس نے رات گئے ایک پریس نوٹ جاری کیا جس میں کہا گیا کہ پولیس ابھی تک امرت پال سنگھ کو گرفتارنہیں کرسکی لیکن ان کے 78 ساتھیوں کو گرفتارکرلیا گیا ہے جن کے قبضے سے اسلحہ بھی برآمد ہوا ہے۔
دوسری جانب برطانیہ، امریکا، کینیڈا اورآسٹریلیا میں خالصتان کی مانگ کرنیوالی سکھ تنظیموں نےخدشہ ظاہرکیا ہے کہ بھارتی پنجاب پولیس جان بوجھ کرامرت پال سنگھ کی گرفتاری کو چھپارہی ہے۔
فراہم کردہ تفصیلات کے مطابق بھارتی پنجاب کے مختلف علاقوں میں اتوارکے روز بھی انٹرنیٹ اورایس ایم ایس سروس معطل رہی، پولیس نے امرت پال سنگھ کے گھرکی تلاشی لی اوران کے والد سے پوچھ گچھ کی گئی ہے۔
علاوہ ازیں خالصتان ریفرنڈم کا اگلا مرحلہ آسٹریلیا کے شہر برسبن میں شروع ہوگیا ہے جس میں سکھ کمیونٹی بھارتی شدت پسندی سے اظہارِ بیزاری اور خالصتان کا مطالبہ کر رہے ہیں۔ ریفرنڈم کے لیے ووٹنگ سے قبل برسبین میں فضا کشیدہ ہے جبکہ اس کے باوجود 30 سے 35 ہزار سکھ اب تک ریفرنڈم میں حصہ لے چکے ہیں اور یہ تعداد مسلسل بڑھ رہی ہے۔
خالصتان کے حامی سکھوں نے برسبین میں اعزازی بھارتی قونصل خانے کو احتجاجاً بند کر دیا۔ بھارتی وزیراعظم نریندر مودی نے سکھوں کی سرگرمیوں پر پریشانی کا اظہار کیا ہے۔ واضح رہے کہ میلبرن میں 50 ہزار سے زائد سکھوں نے ریفرنڈم میں اپنا حق رائے دہی استعمال کیا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔