توشہ خانہ کیس میں عمران خان کی نااہلی کیخلاف درخواست سماعت کیلیے مقرر

عمران خان کو پارٹی سربراہی سے ہٹانے کیلیے الیکشن کمیشن نوٹس کیخلاف بھی درخواست سماعت کیلیے مقرر

ویب ڈیسک پير 20 مارچ 2023

—فائل فوٹو

لاہور: توشہ خانہ کیس میں پی ٹی آئی چیئرمین عمران خان کی نااہلی کے خلاف درخواست سماعت کے لیے مقرر کر لی گئی۔

لاہور ہائیکورٹ کا پانچ رکنی لارجر بینچ جسٹس شاہد بلال حسن کی سربراہی 21 مارچ کو عمران خان کی درخواست پر سماعت کرے گا۔

بینچ کے دیگر ارکان میں جسٹس شمس محمود مرزا، جسٹس جواد حسن، جسٹس شاہد کریم اور جسٹس شہرام سرور چوہدری شامل ہیں۔

عمران خان نے توشہ خانہ کیس میں نااہلی کے اقدام کو چیلنج کر رکھا ہے۔

دوسری جانب، عمران خان کو پارٹی کی سربراہی سے ہٹانے کے لیے الیکشن کمیشن نوٹس کے خلاف درخواست بھی لاہور ہائیکورٹ میں سماعت کے لیے مقرر کر لی گئی۔

نااہلی کے خلاف درخواست پر سماعت کرنے والا پانچ رکنی فل بینچ ہی کل اس درخواست پر بھی سماعت کرے گا۔

پی ٹی آئی چیئرمین عمران خان نے الیکشن کمیشن کی جانب سے پارٹی کے سربراہ کے عہدے سے ہٹانے کے نوٹسز کو چلینج کر رکھا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔