سلمان خان کی فلم’ کسی کا بھائی، کسی کی جان‘ کا نیا گانا جاری

 ممبئی: بالی وڈ سپر اسٹار سلمان خان نے اپنی نئی فلم ’کسی کا بھائی، کسی کی جان‘ کے نئے گانے کا ٹیزر جاری کردیا۔

’جی رہے تھے ہم‘ کے عنوان سے جاری گانے میں دبنگ خان ہالی وڈ ایکشن فلم میٹرکس والے ایکشن میں نظر آتے ہیں۔

فلم ’کسی کا بھائی، کسی کی جان‘ کے دو گانے ’نیو لگدا‘ اور ’بلی بلی‘ پہلے ہی ریلیز ہوکر مداحوں میں مقبول ہوچکے ہیں۔

View this post on Instagram

A post shared by Salman Khan (@beingsalmankhan)

سلمان خان نے نئے گانے کا ٹیزر اپنے انسٹاگرام اکاؤنٹ پر پوسٹ کیا ہے اور اسے عنوان دیا ہے ’محبت میں مبتلا ہونا‘۔

گانے کے ٹیزر میں ہمیں راگھو جویل، سدھارتھ نگم اور جیسی گل کی جھلک بھی نظر آتی ہے۔

فرہاد سمجی کی ہدایت کاری میں بننے والی فلم عید الفطر کے موقع پر پوری دنیا میں ریلیز کیلئے پیش کی جائے گی۔