کراچی کے مختلف علاقوں میں ہلکی بارش

  کراچی: شہر قائد کے مختلف علاقوں میں بارش سے موسم خوشگوار ہوگیا۔

ایکپسیریس نیوز کے مطابق مغرب کے بعد بادلوں کی اچانک آمد سے بارش کا سلسلہ شروع ہوا۔ محکمہ موسمیات کا کہنا ہے کہ کراچی کے شمالی علاقوں سے بارش کا سسٹم گزر رہا ہے۔

کراچی کے متعدد علاقوں میں بارش ہوئی جن میں گلستان جوہر، گلشن اقبال، سہراب گوٹھ، واٹر پمپ، گلبرگ، عائشہ منزل، عزیزآباد اور نارتھ ناظم آباد شامل ہیں۔

اس کے علاوہ یونیورسٹی روڈ، نیپا چورنگی ، راشد منہاس روڈ، بحریہ ٹاون ، سپرہائی وے، اسکیم 33 کی مختلف سوسائٹیوں ، گلزار ہجری، فیڈرل بی ایریا، سرجانی ٹاون ، بفرزون ، نارتھ کراچی اور گلستان جوہر  میں بارش ہوئی۔