شکیب نے بالآخر اپنی گریجویشن مکمل کرلی

ڈھاکا: بنگلہ دیشی آل راؤنڈر شکیب الحسن نے گریجویشن ڈگری پروگرام مکمل کرلیا۔

بنگلہ دیشی آل راؤنڈر شکیب الحسن نے 35 سال کی عمر میں گریجویشن ڈگری پروگرام مکمل کرلیا، انھوں نے ڈھاکا میں موجود امریکن انٹرنیشنل یونیورسٹی بنگلہ دیش سے ڈگری حاصل کی، وہ کرکٹ میدانوں اور اس سے باہر ہمیشہ شہ سرخیوں میں جگہ پاتے ہیں، اس بار تعلیم کا خواب پورا ہونے پر نمایاں ہوگئے۔

شکیب بنگلہ دیشی ٹیم کے ساتھ ان دنوں سلہٹ میں آئرلینڈ سے ون ڈے سیریز کھیلنے میں مصروف ہیں، البتہ اتوار کو یونیورسٹی کے کانووکیشن میں شرکت کے لیے انھوں نے بطور خاص ڈھاکا کا سفر کیا تھا۔