پاکستانی ٹوئٹر صارفین کے لیے بلیو ٹک سبسکرپشن قیمتاً متعارف

سان فرانسسکو: سماجی رابطوں کے مقبول پلیٹ فارم ٹوئٹر نے اپنے پاکستانی صارفین کے لیے بھی بلیو ٹک سبسکرپشن قیمتاً متعارف کروادی ہے۔

ٹوئٹر کی جانب سے بتایا گیا ہے کہ دنیا بھر کی طرح اس کا پلیٹ فارم استعمال کرنے والے پاکستانی صارفین بھی اب مخصوص فیس ادا کرکے اپنے ٹوئٹر اکاؤنٹ پر بلیو ٹک سبسکرپشن حاسل کر سکتے ہیں۔ یہ سروس پاکستانی صارفین سمیت دنیا بھر کے لیے آج ہی متعارف کروائی گئی ہے۔

Twitter Blue is now available globally! Sign up today to get your blue checkmark, prioritized ranking in conversations, half ads, long Tweets, Bookmark Folders, custom navigation, Edit Tweet, Undo Tweet, and more. Sign up here: https://t.co/SBRLJccMxD

— Twitter Blue (@TwitterBlue) March 23, 2023

ٹوئٹر کے ویب ورژن میں بلیو ٹک کا آئی کون سائیڈ بار میں دیا گیا گیا ہے، جس میں بتایا گیا ہے کہ صارفین کو ماہانہ اور سالانہ بنیادوں پر فیس ادا کرنی ہوگی۔ٹوئٹر کی جانب سے سالانہ فیس ادا کیے جانے پر 12 فی صد رعایت دی گئی ہے۔ رعایت کے بعد ماہانہ 1 ہزار 975 روپے فیس بنتی ہے، جو کہ سالانہ 23 ہزار 700 روپے ہوگی، تاہم اس کے مقابلے میں ماہانہ فیس نسبتاً زیادہ ہے، جسے 2 ہزار 250 روپے ماہانہ مقرر کیا گیا ہے، جو کہ سالانہ بنیاد پر 27 ہزار روپے بنتے ہیں۔

سائیڈ بار میں ٹوئٹر بلیو کے آئی کون پر کلک کے بعد تفصیلات ظاہر ہوتی ہیں کہ اس سروس کی سبسکرپشن حاصل کرنے پر صارفین بلیو ٹک، ٹوئٹ ایڈٹ، این ایف ٹی پروفائل پکچر، اعلیٰ معیار کی ویڈیو اپ لوڈ کرنے، طویل دورانیے کی ویڈیو پوسٹ کرنے اور نئے فیچرز تک تیز رسائی سمیت دیگر سروسز حاصل کر سکتے ہیں۔