مودی کو چور کہنے پر راہول گاندھی کی لوک سبھا کی رکنیت ختم کردی گئی

نئی دہلی: راہول گاندھی کو ہتک عزت کیس میں دو سال قید کی سزا کے بعد اب ان کی لوک سبھا کی رکنیت کو بھی ختم کردیا گیا جس پر اپوزیشن جماعت کانگریس نے ملک گیر احتجاج کا فیصلہ کیا ہے۔ 

عالمی خبر رساں ادارے کے مطابق بھارت کے بانی لیڈر مہاتما گاندھی کی بیٹی اندرا گاندھی کے پوتے اور اپوزیشن لیڈر راہول گاندھی کی لو سبھا کی رکنیت ختم کردی گئی ہے۔

Rahul Gandhi – Congress MP from Wayanad, Kerala – disqualified as a Member of Lok Sabha following his conviction in the criminal defamation case over his 'Modi surname' remark. pic.twitter.com/SQ1xzRZAot

— ANI (@ANI) March 24, 2023

گزشتہ روز ہی ایک بھارتی عدالت نے راہول گاندھی کو ہتک عزت کیس میں دو سال قید کی سزا سنائی تھی۔ اپوزیشن لیڈر راہول گاندھی نے ایک جلسے میں کہا تھا کہ تمام چوروں کا surname (خاندانی نام) مودی ہی کیوں ہوتا ہے۔

راہول گاندھی نے یہ بات کرپشن کیسز میں ملوث ہیروں کے مفرور تاجر نیرو مودی اور آئی پی ایل کے سابق سربراہ للت مودی کے تناظر میں کہی تھی تاہم بھارتیہ جنتا پارٹی نے اسے نریندر مودی پر طنز قرار دیا تھا۔

یہ خبر بھی پڑھیں : راہول گاندھی کو ہتک عزت کیس میں دو سال قید

راہول گاندھی کے اس بیان پر بی جے پی کے رکن اسمبلی پورنیش مودی نے راہول پر ہتک عزت کیس درج کرواتے ہوئے کہا کہ اس بیان سے پوری مودی برادری کے جذبات کو ٹھیس پہنچی۔

واضح رہے کہ ممکنہ عدالتی فیصلے کے باعث راہول گاندھی نے ضمانت کی درخواست بھی دیدی تھی جس پر عدالت نے ان کی 30 دن کے لیے ضمانت منظور کرلی تھی اور وہ ایک ماہ کے لیے جیل جانے سے بچ گئے۔