کراچی میں لوٹ مار کے دوران مزاحمت پر فائرنگ سے چار افراد زخمی

  کراچی: اورنگی ٹاؤن، منگھو پیر، فیڈرل بی ایریا اور لانڈھی میں ڈاکوؤں نے دوران ڈکیتی مزاحمت پر فائرنگ کرکے چار افراد کو زخمی کردیا۔

ایکسپریس نیوز کے مطابق شہر کے مختلف علاقوں میں رات گئے سے سب تک ڈکیتی کے دوران شہریوں کو فائرنگ کے زخمی کرنے کے کئی واقعات پیش آچکے ہیں۔

اورنگی ٹاؤن کے علاقے سیکٹر 12 پانچ نمبر عثمانیہ مسجد کے قریب ہفتہ اور اتوار کی درمیانی شب ڈاکوؤں نے لوٹ مار کی واردات کے دوران مزاحمت کرنے پر فائرنگ کر کے ایک شخص کو زخمی کر دیا اور لوٹ مار کر کے فرار ہوگئے، زخمی ہونے والے شخص کو طبی امداد کے لیے عباسی شہید اسپتال منتقل کیا گیا۔

ترجمان پولیس کے مطابق زخمی ہونے والے شخص کی شناخت 22 سالہ صلاح الدین ایوبی ولد ایوب خان کے نام سے کی گئی، پولیس واقعے کی تحقیقات کر رہی ہے۔

منگھو پیر کے علاقے ناردرن بائی پاس، ڈاکٹر پیٹرول پمپ بند مراد پولیس چوکی کے قریب ہفتہ اور اتوار کی درمیانی شب ڈاکوؤں نے لوٹ مار کی واردات کے دوران مزاحمت کرنے پر فائرنگ کر کے ایک شخص کو زخمی کر دیا اور لوٹ مار کر کے فرار ہوگئے، زخمی ہونے والے شخص کو چھیپا ایمبولینس کے ذریعے عباسی شہید اسپتال منتقل کیا گیا۔

ترجمان کراچی پولیس کے مطابق زخمی ہونے والے شخص کی شناخت 70 سالہ شرافت خان ولد عابد خان کے نام سے کی گئی، پولیس واقعے کی تحقیقات کر رہی ہے۔

اسی طرح، سمن آباد کے علاقے فیڈرل بی ایریا بلاک 20 میں ڈاکوؤں نے لوٹ مار کی واردات کے دوران مزاحمت کرنے پر فائرنگ کر کے ایک شخص کو زخمی کر دیا اور لوٹ مار کر کے فرار ہوگئے، زخمی ہونے والے شخص کو چھیپا ایمبولینس کے ذریعے عباسی شہید اسپتال منتقل کیا گیا۔

ترجمان کراچی پولیس کے مطابق زخمی ہونے والے شخص کی شناخت 19 سالہ معاذ واسطی ولد رضا واسطی کے نام سے کی گئی، پولیس واقعے کی تحقیقات کر رہی ہے۔

اسی طرح شرافی گوٹھ تھانے کے علاقے لانڈھی مرتضیٰ چورنگی بابر کانٹا کے قریب فائرنگ سے ایک شخص زخمی ہو گیا جسے فوری طور پر جناح اسپتال منتقل کیا گیا جہاں زخمی کی شناخت 30 سالہ ذوالفقار علی ولد علی شیر کے نام سے کی گئی۔

فائرنگ سے زخمی شخص ٹرک ڈرائیور ہے اور فائرنگ کا واقعہ ڈکیتی کی واردات کے دوران مزاحمت پر پیش آیا۔

ادھر شرافی گوٹھ تھانے کے علاقے لانڈھی مانسہرہ کالونی افشاں اسکول کے قریب فائرنگ سے ایک شخص شدید زخمی ہوگیا جسے فوری طور پر جناح اسپتال منتقل کیا گیا۔ زخمی شخص کی شناخت 35 سالہ حضرت ولد شاہ گل کے نام سے کی گئی۔ پولیس کے مطابق فائرنگ کا واقعہ ذاتی لڑائی جھگڑے کے دوران پیش آیا۔