- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
- جوائن کرنے کے چند ماہ بعد ہی اکثر لوگ ملازمت کیوں چھوڑ دیتے ہیں؟
- لڑکی کا پیار جنون میں تبدیل، بوائے فرینڈ نے خوف کے مارے پولیس کو مطلع کردیا
- تاجروں کی وزیراعظم کو عمران خان سے بات چیت کرنے کی تجویز
- سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
- امریکی یونیورسٹیز میں اسرائیل کیخلاف ہزاروں طلبہ کا مظاہرہ، درجنوں گرفتار
- نکاح نامے میں ابہام یا شک کا فائدہ بیوی کو دیا جائےگا، سپریم کورٹ
- نند کو تحفہ دینے کے ارادے پر ناراض بیوی نے شوہر کو قتل کردیا
- نیب کا قومی اسمبلی سیکریٹریٹ میں غیر قانونی بھرتیوں کا نوٹس
پنجاب وائلڈ لائف میں افسران کا شدید بحران، ڈائریکٹر سمیت 500 پوسٹیں خالی
لاہور: پنجاب حکومت نے وائلڈ لائف ڈیپارٹمنٹ کو حالات کے رحم و کرم پرچھوڑ دیا، محکمے میں افسران کا بحران شدت اختیار کرگیا، ڈائریکٹر سمیت 500 سے زائد پوسٹیں خالی پڑی ہیں۔
ایکسپریس ٹریبیون کے مطابق پنجاب وائلڈ لائف ڈیپارٹمنٹ میں گزشتہ کئی ماہ سے ڈائریکٹرکا عہدہ خالی ہے، اسی طرح ڈپٹی ڈائریکٹرلاہور ریجن سمیت صوبے کے مختلف اضلاع میں ڈپٹی ڈائریکٹرز کی 8 سیٹیں خالی ہیں، اہم سیٹیوں پرتعیناتیاں نہ ہونے سے سرکاری چڑیا گھروں اور سفاری پارکس میں مسائل بڑھنے لگے ہیں جبکہ غیرقانونی شکار میں بھی تشویش ناک حد تک اضافہ ہوگیا ہے۔
اسسٹنٹ ڈائریکٹر وائلڈ لائف لاہور، شیخوپورہ سمیت مختلف اضلاع میں 20 پوسٹیں خالی ہیں، اسی طرح 100 سے زائد وائلڈ لائف انسپکٹروں کی تعیناتیاں نہیں ہوسکی ہیں جبکہ 400 سے زائد ہیڈ وائلڈ لائف واچرز کی پوسٹیں بھی خالی پڑی ہیں جبکہ دیگر سیکڑوں چھوٹے عہدوں پر طویل عرصے سے تعیناتیاں نہیں ہوئی ہیں۔
گزشتہ اور رواں سال کے دوران ریٹائرڈ ہونیوالے ڈائریکٹر، ڈپٹی ڈائریکٹرز کے عہدوں پربھی نئی تعیناتیاں نہیں ہوئیں جبکہ بعض جگہوں پرافسران کو اضافی چارج دیے گئے ہیں، وائلڈلائف حکام کے مطابق اس حوالے سے سیکرٹری جنگلات و جنگلی حیات پنجاب کو متعدد بار سمری بھیجی گئی ہے لیکن پنجاب وائلڈ لائف میں افرادی قوت کی کمی کو پورا نہیں کیا جاسکا۔
انتظامی افسران اور فیلڈ عملے کی کمی کے باعث صوبے بھر میں نایاب جنگلی جانوروں اور پرندوں کے غیرقانونی شکار میں بے تحاشا اضافہ ہوا ہے، محکمہ دستیاب وسائل کو بروئے کارلاتے ہوئے روزانہ کی بنیاد پر غیرقانونی شکار کھیلنے والوں کیخلاف کارروائیوں میں مصروف ہے تاہم یہ عمل انتہائی محدود ہے۔
ڈائریکٹراور ڈپٹی ڈائریکٹر نہ ہونے سے کئی اہم انتظامی فیصلوں پرعملدرآمد رُکا ہوا ہے، سابق سیکرٹری جنگلات و جنگلی حیات پنجاب شاہد زمان نے فیلڈ میں محکمہ جنگلات، جنگلی حیات اور فشریز کے اسٹاف کو اکٹھا کرنے کا فیصلہ کیا تھا تاہم اس حوالے سے کوئی اہم پیشرفت نہیں ہوسکی تھی۔
موجودہ سیکرٹری جنگلات، جنگلی حیات و فشریز پنجاب سے اس بارے میں موقف لینے کے لئے متعدد بار رابطہ کیا گیا تاہم ان کی طرف سے کوئی رسپانس نہیں دیا گیا، پنجاب وائلڈ لائف حکام نے نگران وزیراعلیٰ سے اپیل کی ہے کہ وہ اس معاملے کو دیکھیں اور محکمے میں فوری طور پر اہم انتطامی تعیناتیاں کی جائیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔