سی ٹی ڈی پنجاب کی مختلف اضلاع میں  کارروائی، 9 دہشت گرد گرفتار

ویب ڈیسک  جمعـء 31 مارچ 2023
رواں ہفتے سرچ آپریشن میں 41 مشتبہ افراد کو گرفتار کیا گیا،حکام:فوٹو:فائل

رواں ہفتے سرچ آپریشن میں 41 مشتبہ افراد کو گرفتار کیا گیا،حکام:فوٹو:فائل

 لاہور: انسداد دہشتگردی ڈپارٹمنٹ( سی ٹی ڈی) نے پنجاب کے مختلف علاقوں میں کارروائی کرکے 9 دہشتگردوں کو گرفتار کرلیا۔

حکام کے مطابق سی ٹی ڈی نے پنجاب کے مختلف اضلاع میں آپریشن کیا جس کے نتیجے میں 9 دہشتگردوں نذیر ، فہد ، ارشد ، عثمان ، شیر محمد ، طاہر ، وزیر اور عبدالرشید کو گرفتار کرلیا گیا۔

کالعدم تنظیموں سے تعلق رکھنے والے ان دہشتگردوں کو گوجرانوالہ ، راولپنڈی اورسرگودھا سے گرفتار کیا گیا۔حکام کا کہنا ہے کہ گرفتار دہشتگردوں سے بارودی مواد، اسلحہ اور خود کش جیکٹ بنانے کا سامان بھی برآمد کیا گیا۔ دہشتگرد نیٹ ورکس حساس اضلاع میں حملے کرنا چاہتے تھے۔

حکام کے مطابق  رواں ہفتے پنجاب کے مختلف علاقوں میں  340 کومبنگ اور سرچ آپریشن کیے گئے۔ کومبنگ  و سرچ آپریشن کے دوران 41 مشتبہ افراد کو گرفتار کیا گیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔