فلسطینی معیشت پر بڑا حملہ 28000 زیتون کے درخت اکھاڑ دیئے گئے

[فائل-فوٹو]

---

اسرائیلی آباد کاروں نے مقبوضہ مغربی کنارے پر رواں سال میں اب تک 28،000 زیتون کے درخت جڑوں سے اکھاڑ دیئے ہیں جو فلسطین کی معیشت کا اہم حصہ ہے۔

بین الاقوامی میڈیا نے مقامی فلسطینیوں کے حوالے سے بتایا کہ وہ الیکٹرک آریوں کی آواز سن کر جائے وقوعہ پر پہنچے جہاں آباد کاروں نے درختوں کو اکھاڑا ہوا تھا مقبوضہ مغربی کنارے پر فلسطینی شہر نابلس کے جنوب میں قریوت گاؤں میں آج زیتون کے تقریباً 70 درخت اکھاڑے گئے جس کے بعد یہ تعداد رواں سال 28،000 ہوگئی ہے۔

Israeli settlers cut off some 70 olive trees in Qaryout, south of Nablus, according to locals, who said they went to the land after they heard the sound of electric saws... Activists estimate settlers destroyed nearly 2,800 trees in the occupied WestBank since the start of 2023. pic.twitter.com/aLm4OiL7gJ

- Rania Zabaneh (@RZabaneh) April 11, 2023

اسرائیل 1967 سے لیکر اب تک فلسطین میں 8 لاکھ زیتون کے درخت اکھاڑ چکا ہے۔ زیتون فلسطینی معیشت کا کلیدی جز ہیں جو پوری معیشت کا 14 فیصد ہیں۔

فلسطینی زیتون سے کشید کیے گئے تیل سے لے کر صابن اور دیگر مصنوع دنیا بھر میں برآمد کی جاتی ہیں اور قدرتی علاج کے طور پر بھی استعمال کیا جاتا ہے۔ علاوہ ازیں زراعت فلسطین کی برآمدات کی بنیاد ہے، لہٰذا زیتون کی پیداوار سے آبادی کیلئے ذریعہ آمدنی بھی فراہم کیا جاتا ہے۔