رجسٹرار سپریم کورٹ کے پبلک اکاؤنٹس کمیٹی میں پیش نہ ہونے پر نور عالم خان برہم

ویب ڈیسک  منگل 2 مئ 2023
فوٹو:فائل

فوٹو:فائل

 اسلام آباد: قومی اسمبلی کی پبلک اکاؤنٹس کمیٹی کے چیئرمین نور عالم خان نے رجسٹرار سپریم کورٹ کے پیش نہ ہونے پر برہمی کا اظہار کیا ہے۔

ایکسپریس نیوز کے مطابق قومی اسمبلی کا اجلاس اسپیکر راجہ پرویز اشریف کی زیر صدارت منعقد ہوا۔ رکن قومی اسمبلی اور چیئرمین پبلک اکاؤنٹس کمیٹی نور عالم خان نے ایوان میں اظہار خیال کرتے ہوئے کہا کہ سپریم کورٹ کے رجسٹرار کو پبلک اکاؤنٹس کمیٹی میں طلب کیا ہے کیوں کہ آئین ہمیں اداروں کے احتساب کا حق دیتا ہے۔

یہ بھی پڑھیں : اسپیکر آفس کا سپریم کورٹ رجسٹرار کو قومی اسمبلی کارروائی کا ریکارڈ دینے سے انکار

انہوں نے کہا کہ ہمیں کسی بھی ادارے کے پرنسپل اکاؤنٹس آفیسر کو طلب کرنے کا اختیار حاصل ہے، ہم آپ کے سامنے پیش ہوتے ہیں اگر آپ اتنے صاف ہیں تو ہمارے سامنے بھی آئیں، ریکارڈ تو دیں تاکہ پتا چلے پاکستان کو کھانے والے کون ہیں؟

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔