رونالڈو اور انکی گرل فرینڈ بیٹی کے علاج کیلئے اسپتال پہنچ گئے، تصویر وائرل

پرتگال کے اسٹار فٹبالر کرسٹیانو رونالڈو اور انکی گرل فرینڈ جارجینا روڈریگز بیٹی کے آپریشن کیلئے ریاض کے اسپتال پہنچ گئے۔

میڈیا کی رپورٹس کے مطابق سعودی عرب میں النصر فٹبال کلب کی نمائندگی کرنے والے اسٹار فٹبالر کرسٹیانو رونالڈو کو دارالحکومت ریاض کے اسپتال میں اپنی گرل فرینڈ جارجینا روڈریگز کے ساتھ دیکھا گیا ہے، وہ اپنی بیٹی کے اپینڈکس آپریشن کی غرض سے اسپتال میں موجود تھے۔

مانچسٹر یونائیٹڈ کی نمائندگی کے دوران انکی بیٹی کی طبعیت ناساز ہوئی تھی اور وہ پری سیزن میں ٹیم چھوڑ کر چلے گئے تھے، انگلش کلب اور رونالڈو کے درمیان عدم اعتماد ہی کلب چھوڑنے کا سبب بنا تھا، بعدازاں اس بات کی تصدیق ہوئی تھی کہ اسٹار فٹبالر کی بیٹی درحقیقت بیمار تھیں۔

مزید پڑھیں: ’رونالڈو‘ دنیا میں سب سے زیادہ کمائی کرنے والے ایتھلیٹ بن گئے

دوسری جانب کرسٹیانو رونالڈو کی سعودی کلب النصر کو چھوڑنے کی خبریں گردش کررہی تھیں تاہم کلب کے ترجمان نے کہا کہ فٹبالر سے معاہدے کے معاملے پر دھوکا دینے والی خبروں میں کوئی سچائی نہیں۔

واضح رہے کہ مانچسٹر یونائیٹڈ سے منتقلی کے بعد سعودی کلب النصر نے رونالڈو کو ٹیم میں شامل کیا تاہم پرو لیگ کے دوران رونالڈو نے 14 میچز میں محض 11 گولز اسکور کرسکے ہیں جبکہ انکی ٹیم کو روایتی حریف الہلال سے بھی شکست کا منہ دیکھنا پڑا تھا۔