بالی وڈ اداکارہ کی فاطمہ بھٹو کو نکاح کی مبارکباد

 ممبئی: بالی وڈ اداکارہ سوارا بھاسکر نے پاکستانی ادیبہ فاطمہ بھٹو کو نکاح کی مبارکباد دی ہے۔ 

پاکستان کے سابق وزیراعظم ذوالفقارعلی بھٹو کی پوتی گزشتہ دنوں گراہم نامی شخص کے ساتھ رشتہ ازدواج میں منسلک ہوئی تھیں۔

بھارتی اداکارہ نے ٹویٹر پر فاطمہ بھٹو کو مخاطب کرتے ہوئے لکھا ’’فاطمہ، آپ کو بہت بہت مبارکباد ہو، میں تم دونوں کیلئے زندگی بھر کا ساتھ اور مسرت کی امید کرتی ہوں‘‘۔

SO many congratulations Fatima!
Wishing you both a lifetime of joy & togetherness. ♥️ https://t.co/Evk80H9GMn

— Swara Bhasker (@ReallySwara) May 4, 2023

فاطمہ بھٹو کے نکاح کی خبر ذوالفقار علی جونیئر نے سوشل میڈیا پر دی تھی اور نئے شادی شدہ جوڑے کی تصویر بھی شیئر کی تھی۔

نکاح کی تقریب سادگی سے ذوالفقار علی بھٹو کی لائبریری میں منعقد ہوئی تھی اور فاطمہ بھٹو کے مطابق زمین پر وہ جگہ ان کی سب سے زیادہ پسندیدہ ہے۔

یہ بھی پڑھیں : موجودہ معاشی حالات کیوجہ سے سادگی سے شادی کی، فاطمہ بھٹو

یہ بھی پڑھیں : ’پٹھان‘ بی جے پی کے کشمیری مظالم چھپانے کی کوشش ہے، فاطمہ بھٹو

فاطمہ بھٹو پاکستان کے معروف سیاسی خانوادے سے تعلق رکھتی ہیں لیکن انہوں نے بطور ادیب اپنا کیریئر بنایا ہے، انہوں نے متعدد کتابیں لکھی ہیں اور وہ ایک ایکٹیوسٹ بھی ہیں۔