مقبوضہ کشمیر میں بھارت کی ریاستی دہشتگردی، 2 نوجوان شہید

سرینگر: مقبوضہ کشمیر میں قابض بھارتی فورسز نے مزید 2 کشمیری نوجوانوں کو شہید کردیا۔

کشمیری میڈیا کے مطابق بھارتی فوج نے ریاستی دہشتگردی کا مظاہرہ کرتے ہوئے جعلی مقابلے میں مزید 2 نوجوانوں کو شہید کردیا۔

کشمیری نوجوانوں کو بارہ مولا اور راجوڑی کے علاقوں میں نام نہاد سرچ آپریشن کے دوران شہید کیا گیا۔ قابض بھارتی فورسز نے چادر اور چار دیواری کا تقدس پامال کرتے ہوئے گھروں میں گھس کر خواتین سے بدتمیزی کی اور توڑ پھوڑ کی۔ متعدد کشمیری نوجوانوں کو گرفتار بھی کرلیا گیا۔

بارہ مولا اور دیگر علاقوں کا محاصرہ جاری ہے اور لوگوں کو سختی سے گھروں میں رہنے کا حکم دیا گیا ہے۔ ان علاقوں میں موبائل اور انٹرنیٹ سروس بھی بند کردی گئی ہے۔ نام نہاد سیکورٹی آپریشن میں ڈرونز اور گن شپ ہیلی کاپٹرز بھی استعمال کیے جا رہے ہیں۔

قابض بھارتی فوجی 4 روز میں 6 کشمیری نوجوانوں کو شہید کرچکے ہیں۔