بلوچستان بجٹ کی تیاریاں، حجم 650 ارب سے زائد ہونیکا امکان

کوئٹہ:  بلوچستان حکومت نے آئندہ مالی سال کے بجٹ کی تیاریاں شروع کردیں جب کہ بجٹ کا حجم ساڑھے 600 ارب سے زائد ہونے کا امکان ہے۔

ذرائع کے مطابق وزیر اعلیٰ عبدالقدوس بزنجو کی سربراہی میں موجودہ صوبائی حکومت نے دوسرے بجٹ کی تیاریاں شروع کردی ہیں محکمہ خزانہ بلوچستان نے بجٹ کیلیے تمام صوبائی محکموں سے ان کے بجٹ تجاویز حاصل کرلی ہیں۔

یہ بھی پڑھیں: بجٹ، حکومت نے پارٹ ون کی ورکنگ مکمل کرلی

ذرائع کے مطابق بلوچستان کے 2023-24کے بجٹ کا حجم ساڑھے چھ سو ارب سے زائد اور خسارے کا ہونے کا امکان ہے، آئندہ مالی سال کے بجٹ میں صوبے کے تمام صوبائی حلقوں کو یکسان بنیادوں پر ترقیاتی فنڈز دیے جائیں گے۔