سندھ پولیس میں بھرتیوں کے دوران جعلی ڈومیسائل استعمال کرنیکا انکشاف 

  کراچی: سندھ پولیس میں بھرتیوں کے دوران جعلی ڈومیسائل استعمال کرنے کا انکشاف ہوا ہے جس کے خلاف بڑا ایکشن لیا گیا ہے۔

اسپیشل سیکیورٹی یونٹ کے ڈی ایس پی نے 7 امیدواروں کے خلاف مقدمہ درج کروا دیا۔ مقدمے میں دھوکہ دہی کے تحت جعلسازی کرنے کی دفعات شامل ہیں۔

مقدمے میں امیدواروں کی تمام تفصیلات درج کر دی گئی ہیں۔ 7 امیدواروں وقاص، اختر علی، اکبر، نعیم، نبیل، عشرت اور شہزاد نے ڈومیسائل جمع کروائے تھے۔

ایف آئی آر کے مطابق امیدواروں کا ڈیٹا ڈی سی آفس میں موجود ہی نہیں۔