قومی بچت اسکیموں کے شرح منافع میں ردوبدل

 اسلام آباد: حکومت نے قومی بچت اسکیموں کے شرح منافع میں ردو بدل کردیا ہے۔

وزارت خزانہ کے مطابق اسپیشل سیونگ سرٹیفکیٹ کا اوسط منافع 17.40 فیصد کردیا گیا ہے، سیونگز اکاؤنٹس پر شرح منافع 18.5 فیصد سے بڑھا کر 19.50 فیصد کردیا گیا ہے۔

اعلامیے کے مطابق ایک سال کے شارٹ ٹرم سیونگز سرٹیفکیٹس کا منافع 19.82 سے 20.80 فیصد کردیا گیا ہے جبکہ چھ ماہ کے شارٹ ٹرم سیونگز سرٹیفکیٹس کا منافع 20.82 فیصد کردیا گیا ہے۔

اسی طرح تین ماہ کے شارٹ ٹرم سرٹیفکیٹس کا منافع 19.92 سے بڑھا کر 20.84 فیصد کردیا گیا ہے جبکہ ڈیفنس سیونگ سرٹیفکیٹ کا شرح منافع 14.87 فیصد پر برقرار ہے۔

پینشنرز، بہبود اور شہداء فیملیز سرٹیفکیٹ کا منافع 16.56 فیصد پر برقرار ہے جبکہ ریگولر انکم سرٹیفکیٹ کا منافع 12.84 فیصد پر برقرار ہے۔