کراچی میں عوام کے تشدد سے ڈاکو ہلاک

  کراچی: ڈسٹرکٹ ویسٹ پولیس کی ناقص کارکردگی کے باعث شہریوں نے سڑک پر ہی اپنی عدالت لگانا شروع کر دی .

وارداتوں سے عاجز شہریوں نے ڈکیتی کے بعد فرار ہونے والے ایک ڈاکو کو پکڑ کر تشدد کا نشانہ بنا کر مار ڈالا ۔

سرجانی ٹاؤن کے علاقے سیکٹر فائیو بی شاہ جی ہوٹل کے قریب ڈاکوؤں کی فائرنگ سے نوجوان زخمی ہوگیا موقع پر موجود افراد نے ایک ڈاکو کو پکڑ کر تشدد کا نشانہ بنا کر ہلاک کر دیا

واقعے کی اطلاع ملتے ہی پولیس نے موقع پر پہنچ کر ہلاک ڈاکو کی لاش چھیپا کے رضا کاروں کی مدد سے عباسی شہید اسپتال پہنچائی ،

ریسکیو حکام کا کہنا ہے کہ عوام کے تشدد سے ہلاک ہونے والے ڈاکو کی فوری طور پر شناخت نہیں ہو سکی جس کی عمر 30 سال کے قریب بتائی جاتی ہے ۔

ڈاکوؤں کی فائرنگ سے زخمی ہونے والے 22 سالہ محمد عظمت کو طبی امداد فراہم کی جا رہی ہے جسے ہاتھ پر گولی لگی تھی ۔