متنازع فلم ’دی کیرالہ اسٹوری‘ کو سنیما گھروں میں دکھانے پر پابندی عائد

مغربی بنگال: بھارتی ریاست مغربی بنگال میں متنازع فلم کیرالہ اسٹوری پر پابندی عائد کر دی گئی۔

بھارتی میڈیا رپورٹ کے مطابق مغربی بنگال کی وزیر اعلیٰ ممتا بنرجی نے اسلام مخالف فلم ’دی کیرالہ اسٹوری‘ پر پابندی لگانے کا اعلان کیا ہے۔

مغربی بنگال کی وزیر اعلیٰ کا کہنا ہے کہ مغربی بنگال کی حکومت نے فلم دی کیرالہ اسٹوری پر پابندی لگانے کا فیصلہ نفرت اور تشدد کے کسی بھی واقعے سے بچنے اور ریاست میں امن برقرار رکھنے کے لیے کیا ہے۔

تاہم کیرالہ اسٹوری کے فلم ساز نے مغربی بنگال کی حکومت کے اس فیصلے کی شدید مذمت کی ہے۔

#TheKeralaStory has opened our eyes after watching! Absolutely loved the film! We will unite and protect the innocence of your girls! #SaveOurDaughters#TheKeralaStoryWeWillWatch #VipulAmrutlalShah @sudiptoSENtlm @adah_sharma pic.twitter.com/Fw9g9w3zzr

— Sushma Pandey (@ISushmaPandey) May 9, 2023

یہ بھی پڑھیں: بھارت میں الیکشن سے قبل اسلام مخالف متنازع فلم ’دی کیرالا اسٹوری‘ کی ریلیز دوسری جانب متنازع فلم بھارت کی کئی ریاستوں میں فسادات پیدا کر کے اپنا مقصد پورا کرنے میں کامیاب ہوگئی ہے۔

کئی شہروں میں فلم نے انتہا پسند ہندوؤں اور مسلمانوں میں اختلافات کو ہوا دے کر صورتحال کو مزید پیچیدہ کر دیا ہے۔ یہ بھی پڑھیں: شبانہ اعظمی نے اسلام مخالف فلم ’دی کیرالہ اسٹوری‘ کی حمایت کردی

The Kerala Story को CM Yogi ने Up में किया Tax Free, लोग बोले “हर बेटी को सच दिखाना जरुरी” #thekeralastory #adahsharma #adahsharma #cmyogi #uttarpradesh #YogiAdityanath #Onewshindi pic.twitter.com/UTkiO8Uf9p

— O News हिंदी (@ONewshindi) May 9, 2023

حیدرآباد اور مغربی بنگال کے کئی سنیما گھروں میں پولیس نے ’دی کیرالہ اسٹوری‘ کی ریلیز کو رُکوا کر شائقین کو سنیما گھروں سے باہر نکال دیا۔

یہ بھی پڑھیں: اسلام مخالف فلم ’دی کیرالہ اسٹوری‘ کی ریلیز، تامل ناڈو میں سیکورٹی ہائی الرٹ جاری

یاد رہے کہ دی کیرالہ اسٹوری میں دعویٰ کیا گیا ہے کہ کیرالہ سے تقریباً 32 ہزار خواتین گمشدہ ہیں اور یہ خواتین اسلام قبول کرنے کے بعد داعش میں شامل ہوگئی ہیں اور بھارت سمیت دنیا کے دیگر ممالک میں دہشت گردی کی کارروائیوں کے لیے بھیج دی گئی ہیں۔