پی ٹی آئی قائدین اور کارکنوں کو نیب راولپنڈی عدالت پہنچنے کی ہدایت

ہم ان اغواء کاروں کو پیغام دیں گے کہ ایسی حرکات سے یہ قوم کو مرعوب نہیں کر سکتے، ترجمان پی ٹی آئی

ویب ڈیسک بدھ 10 مئ 2023

(فوٹو فائل)

لاہور: پاکستان تحریک انصاف نے قائدین اور جڑواں شہروں کے کارکنوں کو صبح نو بجے نیب راولپنڈی عدالت پہنچنے کی ہدایت کردی۔

پاکستان تحریک انصاف کی رہنما اور ترجمان مسرت جمشید چیمہ نے کہا کہ تمام قیادت اور اسلام آباد و پنڈی کے کارکنان صبح 9 بجے نیب عدالت راولپنڈی پہنچیں۔

انہوں نے کہا کہ ہم ان اغواء کاروں کو پیغام دیں گے کہ ایسی حرکات سے یہ قوم کو مرعوب نہیں کر سکتے، اس کے علاوہ باقی شہروں میں کارکنان اپنے لیڈر کی بازیابی تک پرامن احتجاج جاری رکھیں۔

دوسری جانب پی ٹی آئی خیبرپختونخوا کی قیادت نے کارکنوں کو احتجاج ختم کر کے گھر جانے اور صبح اسلام آباد کی تیاری کرنے کی ہدایت کردی۔ جس پر کارکنان نے احتجاج ختم کردیا۔

پی ٹی آئی پشاور کے صدر ملک واجد نے کہا کہ کارکنان گھر جاکر صبح کی تیاری کریں، ضلعی صدر عاطف خان کی ہدایت پر صبح ساڑھے سات بجے صوابی موٹر وے سروس ایریا سے قافلہ اسلام آباد روانہ ہوگا۔

یہ بھی پڑھیں: عدالت نے فواد چوہدری سمیت پی ٹی آئی رہنماؤں کو گرفتار کرنے سے روک دیا

واضح رہے کہ قومی احتساب بیورو کے ترجمان نے گرفتاری کے بعد کہا تھا کہ عمران خان کو القادر ٹرسٹ کیس میں طبی معائنے کے بعد بدھ کے روز نیب راولپنڈی کی عدالت میں پیش کیا جائے گا۔