جنوبی افریقہ نے ورلڈکپ2023 کیلئے براہ راست کوالیفائی کرلیا

آئرلینڈ اور بنگلہ دیش کے درمیان میچ بے نتیجہ ہونے کی وجہ سے بھارت میں شیڈول ورلڈکپ 2023 کیلئے جنوبی افریقہ نے براہ راست کوالیفائی کرلیا۔

آئرش ٹیم کو ورلڈکپ 2023 میں براہ راست کوالیفائی کرنے کیلئے بنگلہ دیش کے خلاف تین ون ڈے میچز کی سیریز کلین سوئپ کرنا تھا تاہم پہلا میچ بارش کی نذر ہوگیا اور یوں آئرلینڈ کی ٹیم کوالیفائی کرنے میں ناکام رہی۔

اگر آئرلینڈ کی ٹیم اگلے دو میچز میں فتوحات سمیٹی ہے تو بھی وہ 11 ویں پوزیشن پر اختتام ہوگی، آئرلینڈ کو اب زمبابوے میں 18 جون سے 9 جولائی کو ہونے والے کوالیفائنگ ٹورنامنٹ میں حصہ لینا ہوگا۔

مزید پڑھیں: ’’ورلڈکپ 2023؛ پاکستان نریندر مودی اسٹیڈیم میں میچ نہیں کھیلے گا‘‘

کوالیفائنگ راؤنڈ میں سابق چیمپئن ویسٹ انڈیز اور سری لنکا کی ٹیمیں بھی حصہ لیں گی۔

واضح رہے کہ ورلڈکپ میں شرکت کیلئے ٹاپ 8 ٹیمیں براہ راست کوالیفائی کرتی ہیں، جس میں موجودہ چیمپئن انگلینڈ، بھارت، نیوزی لینڈ، آسٹریلیا، بنگلہ دیش، پاکستان اور افغانستان پہلے ہی اپنی جگہ بُک کرچکے ہیں۔