عالیہ حمزہ بازیابی کیس لاہور ہائیکورٹ نے سی سی پی او کو طلب کرلیا

پولیس یونیفارم میں اہلکاروں نے رات گئے گھر پر ریڈ کی اور اغواء کرکے لے گئے، وکیل

---

لاہور ہائیکورٹ نے سی سی پی او لاہور کو فوری طور پر طلب کرلیا۔

ہائیکورٹ میں پی ٹی آئی رہنما عالیہ حمزہ کی بازیابی کیلئے درخواست کی سماعت ہوئی۔

جسٹس علی ضیاء باجوہ نے سی سی پی او لاہور کو 30 منٹ میں عدالت پیش ہونے کا حکم دے دیا۔

عالیہ حمزہ کے وکیل نے سیکرٹری داخلہ پنجاب، آئی جی پنجاب سمیت دیگر کو فریق بناتے ہوئے بتایا کہ پولیس یونیفارم میں اہلکاروں نے رات گئے گھر پر ریڈ کی اور اغواء کرکے لے گئے، عدالت عالیہ حمزہ کو بازیاب کروا کر پیش کرنے کا حکم دے۔