- آئی سی سی رینکنگ؛ بابراعظم کو دھچکا، شاہین کی 3 درجہ ترقی
- عالمی و مقامی مارکیٹ میں سونے کی قیمت میں اضافہ
- سویلین کا ٹرائل؛ لارجر بینچ کیلیے معاملہ پھر پریکٹس اینڈ پروسیجر کمیٹی کو بھیج دیا گیا
- رائیونڈ؛ سفاک ملزمان کا تین سالہ بچے پر بہیمانہ تشدد، چھری کے وار سے شدید زخمی
- پنجاب؛ بےگھر لوگوں کی ہاؤسنگ اسکیم کیلیے سرکاری زمین کی نشاندہی کرلی گئی
- انٹرنیشنل ہاکی فیڈریشن نے پی ایچ ایف کے دونوں دھڑوں سے رابطہ کرلیا
- بلوچ لاپتہ افراد کیس؛ پتہ چلتا ہے وزیراعظم کے بیان کی کوئی حیثیت نہیں، اسلام آباد ہائیکورٹ
- چوتھا ٹی20؛ رضوان کی پلئینگ الیون میں شرکت مشکوک
- ایرانی صدر کا دورہ اور علاقائی تعاون کی اہمیت
- آئی ایم ایف قسط پیر تک مل جائیگی، جون تک زرمبادلہ ذخائر 10 ارب ڈالر ہوجائینگے، وزیر خزانہ
- حکومت رواں مالی سال کے قرض اہداف حاصل کرنے میں ناکام
- وزیراعظم کی وزیراعلیٰ سندھ کو صوبے کے مالی مسائل حل کرنے کی یقین دہانی
- شیخ رشید کے بلو رانی والے الفاظ ایف آئی آر میں کہاں ہیں؟ اسلام آباد ہائیکورٹ
- بورڈ کا قابلِ ستائش اقدام؛ بےسہارا و یتیم بچوں کو میچ دیکھانے کی دعوت
- امریکا نے بھارت میں انسانی حقوق کی پامالیوں کو شرمناک قرار دیدیا
- پاکستان کی مکئی کی برآمدات میں غیر معمولی اضافہ
- ایلیٹ فورس کا ہیڈ کانسٹیبل گرفتار، پونے دو کلو چرس برآمد
- لیجنڈز کرکٹ لیگ فکسنگ اسکینڈل کی زد میں آگئی
- انجرڈ رضوان قومی ٹیم کے پریکٹس سیشن میں شامل نہ ہوسکے
- آئی پی ایل، چھوٹی باؤنڈریز نے ریکارڈز کا انبار لگا دیئے
حکومت سندھ کا نالہ متاثرین کے لیے گھر تعمیرکرنے کا فیصلہ
کراچی: حکومت سندھ نے کراچی کے تین بڑے نالوں کی توسیع سے متاثر ہونے والے افراد کو گھر تعمیر کرکے دینے کا فیصلہ کیا ہے۔
تفصیلات کے مطابق وزیراعلیٰ سندھ سید مراد علی شاہ کی زیرصدارت وزیراعلیٰ ہاؤس میں ہونے والے صوبائی کابینہ کے اجلاس میں تین نالوں کے متاثرین کو آباد کرنے کے لیے ملیرڈیولپمنٹ اتھارٹی کے 248 ایکڑ رقبے پر 6500 ہاؤسنگ یونٹس تعمیر کرنے کا فیصلہ کیا گیا ہے۔
دوران اجلاس وزیراعلیٰ سید مراد علی شاہ نے کہا کہ پارٹی چیئرمین بلاول بھٹو نے صوبائی حکومت کو واضح طور پر تین اہم نالوں گجرنالہ، محمود آباد اور اورنگی نالے کے متاثرین کو آباد کرنے کی ہدایت کی ہے۔ انہوں نے مزید کہا کہ وہ پہلے ہی 248 ایکڑ رقبے کی ڈیولپمنٹ کے لیے ایک ارب روپے مختص کر چکے ہیں جسے ایم ڈی اے لوکل گورنمنٹ کے حوالے کر چکی ہے۔
کابینہ کے اجلاس میں وزیر بلدیات سید ناصر شاہ نے دو تجاویز پیش کیں کہ تینوں نالوں کے متاثرہ افراد کو 80 مربع گز کے پلاٹ اور ان کی تعمیر کے لیے معقول رقم فراہم کی جائے یا ان مکانات کو تعمیر کرنے کی ذمے داری لوکل گورنمنٹ کو دی جائے۔
ناصر شاہ نے کہا کہ ایم ڈی اے کی جانب سے 248 ایکڑ اراضی پہلے ہی محکمہ لوکل گورنمنٹ کے حوالے کر دی گئی ہے اور وزیر اعلیٰ سندھ کی جانب سے منظور شدہ ایک ارب روپے کی رقم ترقیاتی کاموں کے لیے لوکل گورنمنٹ کے پاس ہے۔ انہوں نے مزید کہا کہ ان کا محکمہ پلاٹوں کوڈیولپ کرنے یا پھر انہیں متاثرہ افراد کے حوالے کرنے یا مکانات کی تعمیر کے لیے تیار ہے۔
کابینہ نے اس معاملے پر تفصیلی تبادلہ خیال کیا اور بیشتر اراکین نے چیئرمین بلاول بھٹو کی ہدایت کے مطابق متاثرہ افراد کے لیے 6500 ہاؤسنگ یونٹس تعمیر کرنے کی تجویز کی حمایت کی۔
وزیراطلاعات شرجیل میمن نے کہا کہ متاثرہ افراد کو پلاٹ دینے سے ان علاقوں میں رئیل اسٹیٹ کی کاروباری سرگرمیاں شروع ہو جائیں گی، اس لیے انہیں باعزت رہائش فراہم کرنے کے لیے تجربہ کار اور معروف فرموں کے ذریعے گھر تعمیر کرائے جائیں۔
دوران اجلاس وزیراعلیٰ سندھ نے اپنے مشیر قانون مرتضیٰ وہاب اور ایڈووکیٹ جنرل کو ہدایت کی کہ وہ بحریہ ٹاؤن کی رقم جاری کرانے کے لیے سپریم کورٹ سے رجوع کریں تاکہ کام کی رفتار میں تیزی لائی جا سکے، محکمہ لوکل گورنمنٹ انہیں یوٹیلٹی سروسز فراہم کر کے منصوبے کے آغاز کوحتمی شکل دے ۔
وزیر بلدیات ناصر شاہ نے ایک سوال کے جواب میں کابینہ کو بتایا کہ متاثرہ افراد کو ماہانہ 15000 روپے کرایہ دیا جا رہا ہے جو صوبائی حکومت کا ایک بے مثال کارنامہ ہے۔ انہوں نے کابینہ کو بتایا کہ اس منصوبے پر تقریباً 10 ارب روپے لاگت آئے گی جبکہ اس کے PC-I کی منظوری وزیر اعلیٰ سندھ دے چکے ہیں ۔
دریں اثنا وزیر ریونیو مخدوم محبوب الزمان نے کابینہ کو بتایا کہ حالیہ شدید بارشوں اور سیلاب سے تباہ شدہ مکانات سرکاری اراضی پرتعمیر کیے گئے تھے۔ انہوں نے مزید کہا کہ وزیر اعلیٰ سندھ کی ہدایت پر بورڈ آف ریونیو نے یہ تجویز پیش کی ہے کہ تباہ شدہ مکانات کی زمین کو گوٹھ آباد اسکیم، گوٹھ آباد ہاؤسنگ پروگرام، ریگولرائز آف دی ویلیج پروگرام، کچی آبادی ایکٹ کے تحت ریگولرائز کیا جا سکتا ہے۔
کابینہ نے گھروں کو ان کی کیٹیگری کے مطابق ریگولرائز کرنے کا فیصلہ کیا تاکہ انہیں پیپلز ہاؤسنگ پروگرام کے تحت گھر کی تعمیر کے لیے رقم فراہم کی جا سکے۔
وزیراعلیٰ سندھ نے چیف سیکرٹری کو ہدایت کی کہ وہ متعلقہ ڈی سیز کو پلاٹوں کی ریگولرائزیشن جلد از جلد کرنے کا حکم جاری کریں تاکہ متاثرہ افراد کو فائدہ پہنچایا جا سکے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔