تاریخ میں پہلی بار گوادر سے چین کے لیے براہ راست ایکسپورٹ کا آغاز

گوادر: بلوچستان میں قائم گوادر پورٹ سے پہلی بار براہ راست چین کے لیے ایکسپورٹ شروع ہوگئی ہے۔

گودار سے پہلی بار بحری راستے کے ذریعے چین کے لیے براہ راست ایکسپورٹ کو پاک چین دوستی میں ایک نیا سنگ میل قرار دیا گیا ہے۔ بلوچستان حکومت کے ترجمان نے تصدیق کرتے ہوئے بتایا کہ ’گوادر سے چین کے لیے براہ راست پانی کے راستے ایکسپورٹ کا آغاز کردیا ہے‘۔

گوادر سے چین کو ایکسپورٹ شروع ہوگئی ۔ 5 کنٹینرز کا پہلا شپمنٹ آئیندہ 30 روز میں چینی بندرگاہ تیانجن پہنچے گا ۔ کارگو کیرئرز فارماسوٹیکل کا خام مال چین پہنچائیں گے ۔ اہم سنگ میل کے بعد سی پیک کاریڈور انٹرنیشنل کارگو کیلئے مکمل فعال ہوگیا ہے ۔ بحری جہاز 24 تاریخ کو روانہ ہوئے ۔ pic.twitter.com/zSDbQjEyII

— PTV News (@PTVNewsOfficial) May 25, 2023

سرکاری میڈیا کے مطابق 5 کنٹینرز کا پہلا شپمنٹ گزشتہ روز (24 مئی 2023ء)  کو گوادر سے روانہ ہوا جو آئندہ 30 روز میں چینی بندرگاہ تیانجن پہنچے گا۔

کارگو کیرئرز فارماسوٹیکل کا خام مال چین پہنچائیں گے۔ اس اہم سنگ میل کے بعد سی پیک منصوبہ انٹرنیشنل کارگو کیلئے مکمل فعال ہوگیا ہے۔