- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
کراچی میں شہریوں کے ہاتھوں ہلاک 2 نوجوان ڈاکو کے بجائے عام شہری نکلے
کراچی: اورنگی ٹاؤن میں 20 روز قبل ڈاکو سمجھ کر مشتعل شہریوں کی جانب سے بہیمانہ تشدد کر کے ہلاک کیے جانے والے 2 مبینہ ڈاکو عام شہری اوربے گناہ نکلے۔
تین دوست شادی میں شرکت کر کے واپس گھر جا رہے تھے کہ شہریوں نے انہیں مشکوک سمجھ کر روکا اور تشدد کا نشانہ بنایا شروع کردیا جس کے نتیجے میں 2 ہلاک اور تیسرے کو زخمی حالت میں گرفتار کیا تھا۔ تینوں دوست ایک ہی فیکٹری میں کام کرتے تھے۔
پولیس نے دوران تفتیش تشدد میں ملوث 3 ملزمان کو گرفتار کرلیا جبکہ دیگر ملزمان کی تلاش میں چھاپے مارے جا رہے ہیں ۔
7 مئی کو پاکستان بازار تھانے کے علاقے اورنگی ٹاؤن 14 سی اویس پکوان ہاؤس کے قریب شہریوں نے بہیمانہ تشدد کرکے 2 مبینہ ڈاکوؤں کو ہلاک کردیا تھا جبکہ تیسرے مبینہ ڈاکو کو زخمی حالت میں پکڑکر پولیس کے حوالے کردیا گیا۔
https://twitter.com/ahmerrehmankhan/status/1654993120050950144
پولیس کو جائے وقوع سے ایک موٹرسائیکل بھی ملی تھی،پولیس نے واقعے کا مقدمہ الزام نمبر23/159 بجرم دفعہ147،149،324،302 کے تحت150 نامعلوم افراد کے خلاف درج کرکے تفتیش انویسٹی گیشن پولیس کے سپرد کردی تھی۔
انویسٹی گیشن پولیس نے تفتیش شروع کی تواصل حقائق سامنے آنے لگے۔ بہیمانہ تشدد کرکے مارے جانے والے 2 مبینہ ڈاکو عام شہری اور بے گناہ نکلے۔
انویسٹی گیشن آفیسرسب انسپکٹر رانا ذوالفقار نے ایکسپریس کو بتایا مشتعل شہریوں کے تشدد سے مارنے جانے والوں کی شناخت بابرولد فرمون اور نذیر ولد نصیب گل اورزخمی حالت میں گرفتار ہونے والےشہری کی اویس عرف سنی ولد عبدالکریم کے نام سے کی گئی ۔
مقتول بابر اورنگی سیکٹر 14 سی کا ہی اور مقتول نذیربلدیہ اتحاد ٹاؤن قائم خانی کالونی کا رہائشی تھا جبکہ زخمی حالت میں گرفتار اویس عرف سنی اورنگی 13 نمبرملت اسلامیہ کا رہائشی تھا۔
انھوں نے بتایا کہ ہلاک اور زخمی حالت میں گرفتار تینوں شہری آپس میں دوست اورسائٹ ایریا میں ایک ہی فیکٹری میں ساتھ کام کرتے تھے ۔ 7 مئی کو تینوں دوست شادی کی تقریب میں شرکت کے بعد2 موٹر سائیکلوں پرواپس گھر جا رہے تھے کہ سیکٹر14 سی میں محلے کے کچھ نوجوانوں کوان پرشک ہوا کیونکہ دو روز قبل اسی علاقہ میں اشتیاق نوید نامی نوجوان کو قتل کیا گیا تھا۔
محلے کے نوجوانوں نے تینوں دوستوں کا تعاقب کیا اور سیکٹر 14 سی اویس پکوان ہاؤس کے قریب انہیں روک کر تلاشی لے رہے تھے کہ اسی دوران موقع پر پہنچنے والے شہریوں نے انہیں ڈاکوسمجھ کرتشدد کا نشانہ بنانا شروع کردیا ۔
نتیجے میں 2 دوست موقع پر جاں بحق ہوگئے جبکہ ایک دوست کو زخمی حالت میں گرفتارکرلیا گیا ۔ تینوں دوستوں کے قبضے سے کوئی اسلحہ یا چھینا ہوا سامان نہیں ملا تھا نہ ہی ان کا کوئی کرمنل ریکارڈ سامنے آیا۔
انویسٹی گیشن آفسر نے بتایا کہ مقتول بابر5 بچوں کا باپ تھا واقعے کے بعد مقتول کی اہلیہ اپنا ذہنی توازن کھو بیٹھی جبکہ مقتول نذیرغیرشادی شدہ تھا۔
انھوں نے بتایا کہ واقعے کی ویڈیوسوشل میڈیا پر وائرل ہوئی تھی جس کی مدد سے پولیس نے تشدد میں ملوث 3 ملزمان فرخ عرف عامر ولد نذیر علی ، جاوید ولد عظیم اللہ اور شاہد ولد اسماعیل کو گرفتار کر لیا۔ تشدد میں ملوث دیگر ملزمان کی تلاش کی جارہی ہے۔
انھوں نے بتایا کہ موقع سے ایک چوری شدہ موٹر سائیکل ملی تھی جسکا مقدمہ الزام نمبر 23/158 بجرم دفعہ 381اے کے تحت پاکستان بازار تھانے میں درج کیا گیا اورجس میں زخمی حالت میں گرفتار اویس عرف سنی کو باضابطہ گرفتار کر کے اے وی ایل سی پولیس کے حوالے کردیا گیا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔