عالمی بینک نے پاکستان کیلیے 21 کروڑ 30 لاکھ ڈالر فنانسنگ کی منظوری دے دی

خصوصی رپورٹر  جمعـء 26 مئ 2023
  فوٹو: فائل

  فوٹو: فائل

 اسلام آباد: عالمی بینک نے پاکستان کے لیے 21 کروڑ 30 لاکھ ڈالر فنانسنگ کی منظوری دے د ی۔

تفصیلات کے مطابق عالمی بینک کی جانب سے فراہم کی جانے والی رقم بلوچستان کے سیلاب متاثرہ علاقوں میں روزگار، ضروری خدمات کی فراہمی اور  صوبے کی آبادی کو قدرتی آفات کے خلاف تحفظ فراہم کرنے کے لیے اقدامات پر خرچ کی جائے گی, علاوہ ازیں  35 ہزار افراد کو گھروں کی تعمیر کے لیے  گرانٹ بھی دی جائے گی۔

اس حوالے سے کنٹری ڈائریکٹر عالمی بینک ناجے بینہیسن کا کہنا ہے کہ بلوچستان میں مجموعی طور پر 27 لاکھ متاثرہ آبادی کو فائدہ ہوگا، مالی پیکیج   بعد از سیلاب بحالی پروگرام کا حصہ  ہے۔

ان کا  مزید کہنا تھا کہ سیلاب سے متاثرہ کمیونٹی کی مدد  کے لیے  صوبائی حکومت کے ساتھ مل کر کام کر رہے ہیں، متاثرہ آبادی کو روزگار، زراعت اورانفرا اسٹرکچر کی تعمیرمیں مدد دی جا رہی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔