روسی تیل آنے سے پیٹرول کی قیمت کم نہیں ہوگی، وزیر مملکت پیٹرولیم

 اسلام آباد: وزیر مملکت برائے پیٹرولیم مصدق ملک نے روسی تیل آنے کی صورت میں پیٹرول کی فی لیٹر قیمت میں 100 روپے کمی کی خبروں کو مسترد کردیا۔

توانائی سے متعلق تقریب سے خطاب میں مصدق ملک نے واضح کیا کہ روسی تیل آنے سے ملک میں تیل کی قیمتیں کم نہیں ہوں گی البتہ تیل کے زیادہ کارگو آنے کی صورت میں قیمت کم ہوسکتی ہے۔

انہوں نے بتایا کہ روس کا تیل بردار جہاز آئندہ دو ہفتوں میں پاکستان پہنچ جائے گا جس کے بعد پراسیس مکمل ہونے کے بعد روسی تیل مارکیٹ میں فروخت کیلیے پیش کیا جائے گا۔ انہوں نے کہا کہ حکومت نے شہریوں کو ریلیف دینے کے لیے فیصلہ کیا ہے جس کے تحت دنیا میں جہاں بھی سستا تیل ملے گا ہم خریدیں گے۔

روسی تیل آنے سے ملک میں تیل کی قیمتیں کم نہیں ہوں گی، مصدق ملک#ExpressNews #BreakingNews #oilprices #oil #russia #musaddiqmalik pic.twitter.com/E3IqZqGbzC

— Express News (@ExpressNewsPK) May 30, 2023

وزیر مملکت کا کہنا تھا کہ ہماری کوشش ہے کہ پابندیوں سے بچتے ہوئے توانائی کی ضروریات کو پورا کریں، اس کے ساتھ ہی سمندر میں تیل و گیس کی تلاش کے لیے بھی دوبارہ کام شروع کرنے پر غور کیا جارہا ہے۔