بلوچستان میں فائرنگ کے واقعات میں دو افراد جاں بحق، تین زخمی

 کوئٹہ: بلوچستان کے مختلف علاقوں میں ہونے والے واقعات میں تین افراد چاں بحق ہوگئے۔

بلوچستان کے علاقے شالکوٹ تھانے کی حدود میں نامعلوم افراد کی فائرنگ سے ایک شخص جاں بحق جبکہ تین زخمی ہوگئے جن کو قریبی اسپتال منتقل کیا گیا ۔

واقعے کے بعد پولیس کی نفری نے جائے وقوعہ پہنچ کر شواہد اکھٹے کیے جبکہ ابتدائی تفتیش میں واقعہ دشمنی کا شاخسانہ قرار دیا گیا۔

دوسری جانب علمدرار روڈ عبداللہ عزیز اسٹریٹ پر نامعلوم افراد کی فائرنگ سے رحمان نامی شخص جاں بحق ہوا، جو علمدار روڈ کا رہائشی تھا۔

علاوہ ازیں تھل کے علاقے میں ٹریکٹر ٹرالی سے گر کر ایک شخص جاں بحق ہوگیا۔