دنیا کے سب سے بڑے مگرمچھ کی 120ویں سالگرہ

کوئینز لینڈ: آسٹریلیا میں 18 فٹ لمبے دنیا کا سب سے بڑے مگرمچھ نے اپنی 120 ویں سالگرہ منائی ہے۔

گنیز ورلڈ ریکارڈ رکھنے والا مگرمچھ جس کا نام کیسیئس ہے، کو 1984 میں آسٹریلیا کے شمالی علاقہ جات کے لا بیلے اسٹیشن میں دریائے فینیس میں پکڑا گیا تھا۔

کیسیئس کو سائنسدانوں کی ایک ٹیم نے متعلقہ علاقے میں مویشیوں کی موت کے ذمہ دار کے طور پر پکڑا تھا۔ اُسے پکڑنے والے سائنسدانوں میں سے ایک گریم ویب نے آسٹریلین براڈکاسٹنگ کارپوریشن کو دیئے گئے انٹرویو میں بتایا کہ جب ہم نے اسے پکڑا تو اس وقت وہ 16 فٹ 10 انچ کا تھا۔ اُس کی کم از کم 6 انچ کی دم اور تھوڑی سی تھوتھنی غائب تھی۔

یہ مگرمچھ اب کوئنز لینڈ میں گریٹ بیریئر ریف کے گرین آئی لینڈ کے میرین لینڈ کروکوڈائل پارک میں رہتا ہے۔ ٹوڈی سکاٹ، جن کے دادا جارج کریگ نے کیسیئس کو خرید کر اسے 1987 میں گرین آئی لینڈ لے آئے تھے، نے بتایا کہ محققین کا اندازہ ہے کہ اس مگرمچھ کی عمر تقریباً 120 سال ہوگئی ہے۔