ماں باپ کا مبینہ قاتل بیٹا دبئی فرار کی کوشش کرتے ہوئے گرفتار

ملزم شاہ رومی صوابی پولیس کو اپنے ہی ماں باپ کے قتل کے سلسلے میں مطلوب تھا، ترجمان ایف آئی اے

ویب ڈیسک جمعرات 8 جون 2023

فوٹو: ایکسپریس

راولپنڈی: ایف آئی اے امیگریشن نے اسلام آباد ایئرپورٹ پر کارروائی کرتے ہوئے قتل کے مقدمے میں مطلوب ملزم کو آف لوڈ کر کےگرفتار کر لیا۔

ترجمان ایف آئی اے کے مطابق ملزم شاہ رومی تھانہ ٹوپی، صوابی پولیس کو اپنے ہی ماں باپ کے قتل کے سلسلے میں مطلوب تھا۔

ملزم فلائٹ نمبر پی کے 211 کے ذریعے دبئی فرار ہونے کی کوشش کررہا تھا کہ ایف آئی اے امیگریشن نے بروقت کارروائی کرتے ہوئے آف لوڈ کرکے گرفتار کرلیا۔

ترجمان کے مطابق ملزم کو اسلام آباد ایئرپورٹ سے گرفتار کرنے کے بعد صوابی پولیس کے حوالے کر دیا گیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔