سمندری مخلوق نے انتظامیہ کو بڑی پریشانی میں مبتلا کردیا

امریکہ میں 5 سال کی اودبلاؤ بہت چالاکی سے کھلاڑیوں کے تیرنے والے تختے چراچکی ہے۔ فوٹو: یوپی آئی

---

سمندری اودبلاؤ انتہائی چالاکی سے پیراکوں کے سرفنگ بورڈ چرارہی ہے اور اب تک قانون کی گرفت سے آزاد ہے۔

کیلیفورنیا کے ساحلوں پر 'محکمہ ماہی گیری اور جنگلی حیات' کے ماہرین نے کہا ہےکہ اس 841 نمبر کی 5 سالہ اودبلاؤ کم سے کم تین قیمتی تختے غائب کرچکی ہے۔ اس نے سانتا کروز میں سمندری لہروں پر پھسلنے والے کھلاڑیوں کے قیمتی سرف بورڈ غائب کردیئے ہیں۔

واضح رہے کہ یہ اودبلاؤ ایک نایاب جانور ہے اور اسے مونٹرے بے کے مچھلی گھر میں رکھا گیا تھا۔ پھر اسے کھلے سمندر میں چھوڑا گیا تو 2021 میں اسے کشتیوں کے آس پاس دیکھا گیا تھا۔

وقت کے ساتھ ساتھ یہ اودبلاؤ بہت غصیلی ہوتی چلی گئی اور انسانوں کو ستانے لگی ہے۔ اب فیصلہ ہوا ہے کہ اسے پکڑ کر دوبارہ حفاظتی مچھلی گھر میں بھیجا جائے گا۔ لیکن لاکھ کوشش کے باوجود اب تک یہ ہاتھ نہیں آسکی ہے۔