مائیکرو سافٹ نے پیزا کی خوشبو والا ایکس باکس کنٹرولر پیش کر دیا

ریڈمنڈ، واشنگٹن: مائیکرو سوفٹ نے دنیا کا پہلا گیم کنٹرولر پیش کیا ہے جس سے کھیلتے دوران پیزا کی خوشبو آتی رہتی ہے اور یوں آپ کو اپنے پسندیدہ کھانے کا احساس ملتا رہتا ہے۔

واضح رہے کہ یہ نئی آنے والی ایک فلم،’ٹین ایج میوٹنٹ ننجا ٹرٹلز: میوٹنٹ میہم‘ کی مارکیٹنگ کا حصہ ہے۔ یہی وجہ ہے کہ ان کںٹرولر کو مخصوص تعداد میں بنایا گیا ہے۔ لیکن اس کے چار ماڈل ہیں لیکن ان کی قیمت نہیں ہے بلکہ یہ تعارفی مہم کے تحت تحفے میں دیئے جائیں گے۔

اب اگرآپ پیزا والا کنٹرولرلینا چاہتے ہیں تو ایکس باکس گیم پاس ٹویٹر (نیا نام ایکس) کے اکاؤنٹ کے ٹویٹ کو ری ٹویٹ کرکےاس قرعہ اندازی میں شامل ہوسکتے ہیں۔ اس کے لیے آپ کو ایکس باکس کی ویب ساٗٹ پر جانا ہوگا۔

ایکس باکس اپنے شائقین کی توجہ کے لیے کلیکٹر ایڈیشن کے تحت بہت سی مصنوعات پیش کرتا رہتا ہے۔ اس سے قبل ہم مختلف فوڈ چین اور مائیکل جورڈن کے ایکس باکس ورژن بھی دیکھ چکے ہیں۔