لاہور میں لیڈی اہلکار کی شیر خوار بچے کے ساتھ ڈیوٹی

 لاہور: پانڈو اسٹریٹ میں لیڈی اہلکار اپنے شیر خوار بچے کے ساتھ ڈیوٹی دینے پر مجبور ہوگئی۔

ایلیٹ کی گاڑی میں باوردی لیڈی اہلکار سونیا کی اپنے شیر خوار بچے کو فیڈر پلانے کی ویڈیو سامنے آگئی۔

تھانہ شاہدرہ میں تعینات اہلکار سونیا چھٹی نہ ملنے پر بچے کو ڈیوٹی پر ہمراہ لے آئی ۔ لیڈی اہلکار  کا کہنا ہے کہ پانڈو اسٹریٹ میں سیکورٹی ڈیوٹی تھی شدید گرمی اور حبس میں بچے کو ساتھ لانا پڑا۔

واضح رہے کہ محرم الحرام میں ڈیوٹی کے باعث پولیس اہلکاروں کی چھٹیاں منسوخ کردی گئی ہیں۔