ہالی وڈ فلم ’بار بی‘ کی اسکریننگ کے لئے سینسر بورڈ کا اجلاس طلب

 لاہور: نگراں وزیراعلٰی پنجاب محسن نقوی کی ہدایت پر فلم ’بار بی‘ کی اسکریننگ کے لئے فلم سینسر بورڈ کا اجلاس منگل کو طلب کر لیا گیا۔

ایکسپریس نیوز کے مطابق اجلاس میں پنجاب فلم سینسر بورڈ کے تمام اراکین سمیت سیکرٹری اطلاعات و ثقافت پنجاب بھی شریک ہوں گے-

اسکریننگ کا جائزہ لینے کے بعد فلم ’باربی‘ کو پنجاب بھر کے سینما گھروں میں ریلیز کے حوالے سے فیصلہ کیا جائے گا۔

واضح رہے کہ عوامی شکایات ملنے کے بعد محکمہ اطلاعات وثقافت پنجاب نے ہالی وڈ فلم کی سینما گھروں میں نمائش روک دی تھی۔