پاک افغان ون ڈے سیریز کا شیڈول جاری

 لاہور: پاکستان اور افغانستان کے درمیان تین ون ڈے انٹرنیشنل میچوں کی سیریز 22 سے 26 اگست تک سری لنکا میں کھیلی جائے گی۔

افغان بورڈ 3 مقابلوں کی میزبانی سری لنکا میں کرے گا، افغانستان کرکٹ بورڈ نے اس سیریز کی تصدیق کردی ہے، سیریز کا پہلا ون ڈے انٹرنیشنل 22 اگست کو ہمبنٹوٹا میں کھیلا جائے گا جبکہ دوسرا ون ڈے بھی 24 اگست کو ہمبنٹوٹا میں ہوگا۔

کولمبو 26 اگست کو تیسرے اور آخری ون ڈے انٹرنیشنل کی میزبانی کرے گا۔ پاکستانی ٹیم سترہ اگست کو سری لنکا پہنچے گی اور 19 سے 21 اگست تک ہمبنٹوٹا میں ٹریننگ کرے گی۔

مزید پڑھیں: پاک افغان ون ڈے سیریز کہاں کھیلی جائے گی؟ نام سامنے آگیا

پاکستان ٹیم 27 اگست کو وطن واپس روانہ ہوگی۔ یاد رہے کہ پاکستان اس وقت آئی سی سی کی عالمی ون ڈے رینکنگ مین دوسرے نمبر پر ہے جبکہ افغانستان کا نمبر آٹھواں ہے۔

مزید پڑھیں:  قومی ٹیم اگست میں افغانستان کیخلاف ون ڈے سیریز کھیلے گی

دوسری جانب سری لنکا کے خلاف ٹیسٹ سیریز کے اختتام کے بعد کئی پاکستانی کھلاڑی بشمول کپتان بابراعظم، 30 جولائی سے شروع ہونے والی لنکا پریمیئر لیگ (ایل پی ایل) میں شریک ہیں۔