پاکستان میں ’سپر مون‘ کا خوبصورت نظارہ

پاکستان اور سعودی عرب سمیت کئی ممالک میں آج سپر مون کا خوبصورت نظارہ کیا گیا۔ اس مظہر کے دوران چاند اپنے عمومی سائز سے 14 فیصد بڑا اور 30 فیصد زیادہ روشن دکھائی دیا۔ 

سعودی ماہرینِ فلکیات کے مطابق چاند کے زمین کے انتہائی قریب یعنی محض 357،528 کلومیٹر کے فاصلے پر ہونے کی وجہ سے پاکستان اور سعودی عرب سمیت کئی عرب ممالک میں سپر مون دیکھا گیا۔

رواں برس کو یہ اعزاز بھی حاصل ہوگا کہ شاز و نادر ہونے والے مظاہر فطرت میں سے ایک سپر مون ایک ہی ماہ یعنی اگست میں دو بار دکھائی دے گا۔ پہلی بار یکم اگست کو اور دوسری بار 30 اگست کو دکھائی دے گا۔

ماہرین فلکیات نے بتایا کہ 30 اگست کو چاند 2023 کا سب سے بڑا اور روشن چاند ہوگا کیونکہ زمین سے محض 357343.5 کلو میٹر کے فاصلے پر ہو گا۔

یاد رہے کہ ایک ہی مہینے میں بار بار نظر آنے والا سپر مون کو بلیو مون کا نام دیا گیا ہے یعنی رواں ماہ بلیو مون کا ماہ ہے۔ بلیو مون آخری بار دسمبر 2009 میں ہوا تھا اگلا بلیو مون اگست 2032 تک نہیں ہوگا۔