لاہور؛ پسند کی شادی کرنے والی خاتون پر سوتیلے بھائی، رشتہ داروں کا تشدد

 لاہور: پسند کی شادی کرنے والی خاتون پر سوتیلے بھائی اور رشتہ داروں نے تشدد کرکے زخمی کر دیا۔

پولیس کے مطابق واقعہ کاہنہ میں چند روز قبل پیش آیا جہاں ملزم امجد سوتیلی بہن آمنہ پر تشدد کرتا رہا، دیور اور دیگر رشتہ دار چھڑوانے آئے تو ان پر بھی تشدد شروع کر دیا۔

ملزم امجد جھگڑے کے دوران آہنی راڈ کا استعمال کرتا رہا، متاثرہ خاتون اور دیگر افراد کا میڈیکل کروا لیا گیا ہے۔ قانون کے مطابق کارروائی عمل میں لائی جائے گی۔

سرعام تشدد کی کلوز سرکٹ فوٹیج بھی سامنے آگئی ہے۔