کینیڈین وزیراعظم کی اہلیہ سے 18 سال بعد علیحدگی

ویب ڈیسک  جمعرات 3 اگست 2023
کینیڈین وزیراعظم کے 3 بچے ہیں:فوٹو:فائل

کینیڈین وزیراعظم کے 3 بچے ہیں:فوٹو:فائل

اونٹاریو: کینیڈا کے وزیراعظم جسٹن ٹروڈو  اور ان کی اہلیہ صوفی گريگوئر کے درمیان شادی کے 18 سال بعد علیحدگی ہوگئی۔

کینیڈین وزیراعظم  جسٹن ٹروڈو نے سوشل میڈیا پر شئیر کی جانے والی  پوسٹ میں  اہلیہ صوفی گریگوئر سے علیحدگی کا اعلان کرتے ہوئے کہا کہ ہم دونوں نے طویل اور مشکل بات چیت کے بعد علیحدگی کا فیصلہ کیا ہے۔

انہوں نے کہ اپنے بچوں کو محفوظ، محبت بھرے اور باہمی تعاون کے ماحول میں پرورش کے لیے خاندان کے قریبی فرد کی طرح رہیں گے۔ اپنے بچوں کی بھلائی کے لیے سب سے درخواست ہے کہ ہماری اور ان کی نجی زندگی کا احترام کریں۔

ٹروڈو اور صوفیہ کی شادی مئی 2005  میں ہوئی تھی، دونوں کی شادی 18 سال قائم رہی اور ان کے 3 بچے ہیں۔ کینیڈین وزیراعظم آفس کے مطابق جسٹن ٹروڈو اور صوفی نے علیحدگی کی قانونی دستاویزات پر دستخط کردیے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔